為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 03 月 11 日

傳排擠「本民前」 本土派網上掀內戰

本土民主前線梁天琦之前,在黃毓民、熱血公民、青年新政等成員前呼後擁助選下,於新界東補選以六萬六千票高票落敗,風頭一時無兩。

但世上無永遠嘅朋友,尤其係政治圈。黎緊立法會換屆大選,呢班本來稱兄道弟嘅人,盛傳即刻為出選名單反晒面。

事緣本土派聲勢大壯,派內各路人馬乘勢崛起,計劃在立法會五區插旗。補選結果公布當日,黃毓民開記招,宣布與香港復興會創辦人陳雲,以及熱血公民鄭錦滿、鄭松泰及黃洋達分別出戰五個選區。

其中,黃毓民將在九龍西競逐連任,徒弟黃洋達就出戰九龍東,鄭錦滿則可能空降港島。而新界西及東,就分別由鄭松泰及陳雲迎戰。

黃毓民(右二)夥拍陳雲(左二)及熱血公民成員參加立法會大選,表明不會與本民前等本土派協調,導致雙方支持者在網上罵戰

陳雲一名前弟子在網上留言,大罵對方將梁天琦高得票說成自己的功勞,是厚顏無恥。

梁天琦(左)得到黃毓民(中)及其他激進派力撐,在新界東補選平地一聲雷,令本土派搖身變成第三勢力。

記者招待會上,好多黃毓民嘅盟友都撐場,獨欠本民前,出選名單亦唔預本民前。黃毓民被問到點解唔協調時,他語帶相關話:「在比例代表制下,就連泛民都無法協調,本土派兄弟都是各自修行。」

同門兄弟去到重要關頭,都要各自修行,當然令本民前及其他激進派成員大怒,佢地嘅支持者即刻在網上開戰,炮轟黃毓民等人在補選一役中抽水,仲要將梁天琦嘅成功歸功於自己,再順手踢走本民前於不顧。曾經係陳雲弟子的「天河明人」黃鴻基,更留言大鬧黃毓民和陳雲恃老賣老。

眼見畀本民前支持者圍攻,黃毓民及陳雲都唔示弱,在自己facebook爆粗回敬,話梁天琦係佢地一手捧出來,「靠我地佢先攞到咁多票!」

另一主角梁天琦暫時似乎無意加入罵戰,落落大方咁話:「不同本土派參選是好事,唔擔心陳雲會令自己選票流失。」梁天琦之後仲上埋黃毓民的網台節目做嘉賓有講有笑。

政治嘅嘢好難話得埋,個個表裡不一,真係要放長雙眼睇佢地在立法會選舉嘅表現。不過佢地鬼打鬼,唔肯協調參選名單,「攬炒」幾乎係意料中事。