為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 03 月 11 日

郭少芸黑面抽煙

今年已經四十七歲嘅郭少芸,〇四年喺旺角開嘅西餐廳「簡單廚房」,做得有聲有色,佢仲不時落場做生招牌,吸引食客,生意好到〇九年要喺將軍澳再開分店。郭少芸見到餐飲業有得做,於是喺一二年再下一城,搞多間台灣菜餐館「小台北」;當時餐廳門口,晚晚都有半百以上食客等侯,聽講最好生意嘅時候,每月營業額逾三百萬。

不過,上年嘅七月,細價股令唔少股民損手,有雜誌就爆料指鍾意以小博大嘅郭少芸,都係受害者之一,一大筆積蓄就咁燒焦;七月輸股票,八月嘅時候,佢仲將餐館結業,真係慘慘豬!

日前,東姑喺街見到準備開工嘅郭少芸,佢一面食煙一面愁眉苦臉,後來見到東姑影佢相,仲擰轉個身,黑晒面!咁又係嘅,原本係老闆嘅佢,o依家又變番打工一族,要繼續捱世界!

郭少芸趁未埋位就急急咁食番支煙,醒一醒神。

郭少芸被指輸股票,再加上自己一手經營嘅餐廳結業,有乜辦法唔愁噃?