為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 03 月 05 日

那一場雛雪

不少名人都愛趁冬天一家大細出埠滑雪,歡度白色假期。有城中靚媽更帶埋幾個月大的BB登上雪山,讓兒子在雪地上尋找他們的足印。

小朋友玩雪興奮,父母則變身「龍友」拍下兒子笑臉,大人細路都一樣開心。

法國 Courchevel

自言自懷孕後已沒有滑雪的陳君宜,待囝囝日漸長大,於去年年底與老公飛到法國「重出江湖」,好讓Ayden體驗玩雪樂趣。

去年第一次到法國滑雪,囝囝於雪兜上玩到唔捨得走。

北海道 二世古

囝囝身上的滑雪裝,購於Nicholas & Bears:「我專登幫囝囝買連身裝,就算幾凍,啲風都無咁易吹到入去。」

陳君宜全程傍到實一實,她笑言,「囝囝滑到一半已喊攰。」最後她要全程扶着Ayden滑行。

陳君宜囝囝 一歲滑雪

Zeuz.com網站創辦人陳君宜(Qinnie),去年底已與老公鄭躬明,帶同十個月大的Ayden,到法國Courchevel體驗滑雪。今年二月,更與剛滿一歲的兒子到日本二世古學滑雪,「囝囝見到雪同水都好興奮,第一次帶佢去法國滑雪時,只係畀佢坐喺雪兜上玩,見佢玩得咁開心,又一啲都唔驚,所以今年就幫佢買晒全副滑雪裝備,畀佢試吓滑雪。上到雪山佢好enjoy,我拖住佢一步一步滑,佢日日都玩到好攰,攰到滑滑吓雪都可以瞓着咗!」

為了方便囝囝滑雪,陳君宜一到日本便四出搜購兒童滑雪裝,「香港好多防雪靴同手襪都無咁細碼,要去到日本先買到。我仲帶埋自家電飯煲喺酒店煲飯食,加埋行李,足足塞爆兩個篋。」Ayden雖然只有一歲大,但一啲都唔怕陌生,「佢真係好鍾意去旅行,對住外國人會好主動say hi,我打算下年冬天再帶佢去滑雪!」

Ayden身上穿着Nicholas & Bears潮童服飾,陳君宜更特地於日本為他購買防雪靴和手套:「其實佢o依家着緊對鞋都唔係咁啱着,對鞋入面塞咗好多嘢。」