為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 童星「萌」料 2016 年 03 月 03 日

《公公出宮》金多寶 揭童星辛酸史

無綫劇集《公公出宮》收視報捷,平均收視三十二點,最高三十三點,成績驕人,劇中演員包括:黎耀祥、陳國邦、曹永廉等好戲之人,演技備受激讚,就連飾演金家大倌「金多寶」的七歲小童星鄭耀軒(耀B),都勁「呃like」,觀眾大讚他搶鏡又搶戲。

耀B雖然年紀細細已展開童星生涯,拍《公》劇更遠赴開平拍外景,抵受天時暑熱,但所有辛酸轉頭變過眼雲煙。皆因同場明星姐姐個個爭住錫,明星哥哥更陪玩陪食,難怪耀B坦言喜歡拍劇,樂在其中。

耀B在鏡頭前示範演技,不消幾秒鐘,竟然逼出真眼淚,可謂天生便有演戲潛質。

耀B媽媽從旁解釋,需要什麼情緒和表情,耀B馬上領悟到。

耀B人仔細細,表情多多,叫他扮chok,他即在鏡頭前擺甫士。

耀B之前最愛唐詩詠,更會跟他的「唐唐姐姐」玩錫錫,洪永城見到更搞笑扮爭風呷醋。

狂飲正氣水

鄭耀軒(耀B)拍《公》劇,需到開平拍外景,法例規定童星平日拍攝時間最長四小時,周六最長八小時,加上遷就返學,他只好逢周五放學後坐車返內地,周六拍攝,周日返港。如是者,耀B隨媽媽往返開平三次,完成他的外景戲份。以為小小年紀舟車勞頓,他一定覺辛苦?耀B卻說:「唔辛苦,我鍾意住酒店,好好玩。」拍攝撞正夏天,耀B媽媽更透露,劇中每個演員特別關心囝囝暑熱不適,她說:「第一個係姜大衛,跟住好似林夏薇、黎耀祥、陳自瑤咁,個個輪流畀開平嗰隻解暑特產『正氣水』佢飲,驚佢熱親啩,其實個個都錫佢。」

耀B唔怕熱、唔怕攰,最怕其實是悶,但他又好易o氹,陪他玩或者食物利誘通常見效,耀B媽媽說:「有時畀佢玩吓iPad囉,或者玩吓人肉搖椅、猜包剪揼咁,佢就會開心番。」拍《公》劇尤其開心,因金家上下家丁婢女,都成了耀B的玩伴,個個錫他錫到燶。

劇中眾多女藝人,耀B自爆最鍾意王君馨,「因為佢好靚。」但耀B媽媽在旁解畫,兒子之前其實最愛唐詩詠、龔嘉欣,「佢之前同唐唐姐姐拍《載得有情人》friend咗,會一齊玩錫錫;同嘉欣姐姐就去活動時識嘅,之後每次撞番都會玩,而姐姐又請佢飲過檸檬水。不過,佢最近唔知點解變咗心,又話鍾意王君馨,哈哈!」

哭訴做後備

問耀B拍劇最辛酸是甚麼?他勉強記得拍《張保仔》時第一次黐頭套,的確不太自在;另外,耀B怕污糟,《公》有場戲要他瞓草地,後來因媽媽親身示範過,耀B才成功破除心理障礙。反而是耀B媽媽,最難忘一次拍廣告的不愉快經歷;當時,四歲的耀B去到上海拍一個廣告,後來才發覺兒子原來是廣告的後備,萬一主角扭計才安排耀B頂上。結果,耀B那次由朝九呆等到晚六,只替身拍一兩個手手腳腳的鏡頭。事後,他哭訴:「係咪我做得唔好,所以唔畀我做?」耀B媽媽第一時間予以安慰,也驚訝平時百厭反斗的耀B,原來對演出很有責任感和上心。

據耀B媽媽講,耀B其實好鍾意拍劇演出,若果他曳曳,話罰他不准入廠拍攝,他自然會乖,似是天生愛做戲。