為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 02 月 23 日

韓君婷賺錢養矯形醫生

三十九歲嘅韓君婷(Belinda),九七年奪得亞洲小姐冠軍後入行,初期因為下圍肥胖而被嘲「籮霸」,為甩惡名加上感情問題,患上厭食症,最後由一百四十多磅驟降至八十多磅,變成火柴人。

娛圈生活壓力大,Belinda於一○年決心暫別娛樂圈,返回新加坡幫大哥打理電子生意,點知期間不慎滑倒跌歪個鼻,惹來變臉疑雲,認真可憐。早排,東姑撞到佢喺上環歎咖啡,於是上前同佢吹吹水,Belinda講起個鼻就一肚氣:「好多人都話我整容失敗,但我真係冇打過Botox,亦冇整過容,整過我會認,但我真係冇!」而佢就坦言冇因為畀人話、畀人笑而唔開心,反而會積極面對,執番靚個鼻為止。「去年返港後,立即四處搵合適嘅矯形醫生,我仲同大哥借廿萬手術費執番好個鼻,所以我賺嚟啲錢都畀晒醫生喇!」

Belinda講到明今次返港都係為咗個鼻,不過佢就話要搵一個信得過嘅矯形醫生都唔易,佢一搵就搵咗足足半年,喺上年十二月先搵到呢個醫生幫佢執番靚個鼻。「雖然我現時個鼻樑仍然有少少歪,但係已經直返好多,等到今年六月會再開第二刀,我諗我好快就可以重拾美貌喇!哈哈哈!」

去年十二月,Belinda搵到個畀到信心佢嘅醫生開刀,手術分開兩次進行,每次要成十幾萬。

Belinda係中國同意大利嘅混血兒,原本五官輪廓精致。

在新加坡時,Belinda跌傷整歪鼻,搞到個鼻下陷走晒樣。

雖然鼻陷走晒樣,但Belinda就強調自己冇因為咁而沮喪,經過第一次手術後,個鼻已經高咗,不再下陷。