為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 02 月 08 日

肥媽暖DD食好D

肥媽《食平啲》系列收視高企,節目一再添食。這天,她親教本刊讀者煮賀年菜,拍攝當日她更早早到街市買定新鮮食材。

埋位拍攝,她像做節目一樣,行動迅速,洗洗洗、切切切,一邊煮,一邊望着鏡頭講解,三兩下手勢,已將所有食材炒成一碟,取名為「闔家開心慶團圓」。她豪氣地說:「阿妹(記者),過嚟試味!」

色彩繽紛又新鮮熱辣,食咗這個賀年菜,一定暖DD,開心DD啦!

廚藝非凡的肥媽,坦言每年新年都必定會親自下廚,為家中的「老闆」炮製一餐既美味又暖笠笠的團年飯。

材料包括:三色椒、百合、菜心粒、馬蹄、蝦仁、開心果和蔥頭。

肥媽先把洗淨的三色椒、菜心、馬蹄切粒備用。

肥媽教路,如何把雪蝦做到爽口彈牙,「其實好簡單,只要水滾後,放進雪蝦然後數十下,再撈起倒進冰水中浸五秒,煮出來嘅蝦就會又爽又彈牙,用隻手彈都唔會爛。」

團年飯

肥媽(Maria Cordero)是中葡混血兒,祖籍南海,由於有一半中國人血統,所以每逢農曆新年,她必定會親手炮製南海人最講意頭的蘿蔔糕和油角等應節食品,還會親自入廚炮製賀年菜。

「我全家連大夾細共有三十人,每年團年飯都係我一個人包辦,個個『老闆』(子女)都有唔同要求,其中一個仔好最意食羊,但有一個仔就極之討厭羊,聞到陣味即摙住個鼻,所以我煮嘅羊一定要一啲都唔羶,等佢唔食都唔使聞到陣味。一家人新年聚埋一齊食飯,梗係個個都要開開心心啦。」

肥媽笑言團年飯尤其要講意頭,「好似『發財好市』、『年年有餘』呢啲一定唔少得,好意頭吖嘛,人人都鍾意o架啦,食都食得大啖啲啦!」

先下蔥頭起鑊,之後就將三色椒、菜心、馬蹄和百合落鑊炒。

拋兩拋個鑊便可上碟完成。

肥媽只是花了十五分鐘,便完成這碟名為「合家開心慶團圓」的賀年菜,簡單易煮又好食。