為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 02 月 01 日

關慧玲

《東周刊》社長兼總編輯。

趙國雄扮校長慶浸大六十年

浸大六十周年,上周六搞咗個兩多小時嘅大騷,台前幕後逾百位橫跨六個年代的校友參與製作,以浸大五位校長帶領浸大發展的故事做骨幹,透過話劇、管弦樂、合唱、朗誦、舞蹈、魔術及歌唱等,回顧浸大六十年間從艱辛起步到正面大學嘅的歷程,全場坐滿自己人,整晚又喊又笑,氣氛相當感人。

甫開場,便有劉兆銘飾演校工「英叔」,而倪秉郎、梁家權、趙國雄、葉家寶和鄭丹瑞緊接出場,扮演五代浸大校長,十分搞鬼。其中「扮野之王」、長實「樓神」趙國雄扮演吳清輝校長,只見佢學吳校長眯起對眼笑,笑到眼皮起摺,相當神似。佢自爆當年因為反貪遊行,被控參與非法遊行及非法集結,要守行為兩年和留案底嘅往事,後來決定退學,以免影響當年浸會學院爭取正名,自己就輾轉到加拿大留學。

(後左起)葉家寶、趙國雄、倪秉郎、梁家權、鄭丹瑞扮演五代校長(前左起)陳新滋、吳清輝、謝志偉及錢大康。

當晚除了己故的林子豐外,其他幾位前校長都在坐,當中以謝志偉對浸大影響最深遠,皆因佢七一年時以三十五歲之齡接任校長一職,○一年至退休,做足三十年,親身經歴浸會由無資助到正名大學等歴史大事。

有人留意到佢成晚眼濕濕,佢就憶起一段鮮為人知嘅舊事。話說當年政府對浸大的資助極少,佢陷於艱苦經營,師資流失的窘局,當時港督麥理浩仍想進一步緊縮,謝志偉無計可施,為了生存,只得忍痛大幅加學費,由每年千八蚊加到二千八百蚊,這樣的加幅,不是所有學生都能負擔的,好在當年的學生好明白院校困境,沒有嘈到反檯,而謝志偉最後都能游說麥理浩收回成命。

香港多間大學各自都有艱苦建校的歴史,浸大最後得以踏上正名大學的直路;席間不少人唏噓說往事,都覺得從前嘅社會氣氛比較能有商有量,同一個處境放在今日,單係大幅加學費,已不知生出多少事端來,唔知要拖幾耐。

如想重溫校友Show,可登入以下網址:www.hkbu.edu.hk/60ashow。