為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 02 月 01 日

有心髮施 何倍倩

恒生新抱何倍倩(Anina)育有兩子一女,又要打理美容生意,每日廿四小時都唔夠用,做乜都講求速度。她要快又要靚,無師自通,最拿手就係戴個頭飾,成個look馬上sharp醒晒。

她鍾情Alexandre Zouari和Philip Treacy的頭飾,每個閒閒地過千元,買買埋埋近一百個,「女仔個頭好重要,會影響成個樣。Set番個頭,加少少髮飾就可以令樣貌錦上添花。」

何倍倩帶了部份收藏的頭飾拍照,每件由$600至$12,580不等。她覺得長髮可以有好多變化,戴上不同的頭飾,就可以隨時變身。

四大髮寶

髮夾 髮何倍倩創意無限,想到將髮夾二次創作,改做成心口針、腰飾等,每個約$1,000-$3,000。

髮梳 水晶金髮梳購自韓國(左),約$2,000,粉色的水晶髮梳(中,右),每個約$1,500-$3,000,絕對出得大場合。

頭箍 她早前見外國女仔好興戴花花皮頭箍(前中),於是上網買了一個,又可以兼做腰帶,約$800,其他閃石頭箍(後),戴起已經好搶眼,每個約$900-$2,000。

帽飾 帽子最能做到華麗、隆重的效果,Nerida Fraiman白色喱士帽$3,200(後右),Philip Treacy帽(後左,前右)和耳罩,每個$4,680-$12,580。

何倍倩每年冬天都會去滑雪,戴上Alexandre Zouari的貂皮保暖耳罩,即時暖晒,價值$5,880。

捧外國貨

自認貪靚的何倍倩,由細到大都習慣留長髮,「我偏向女性化,印象中無乜剪過短頭髮。我習慣紮辮、戴頭箍、紮髻,通常得呢幾樣嘢。」

她收藏的頭飾中,以閃閃的水晶髮夾和頭箍為主,戴上頭後份外搶眼,「我特別鍾意bling bling款,最好配襯淨色啲嘅衫,如果唔係,戴起來無咁突出。」

又平又好的頭飾唔多,何倍倩試過貪玩買淘寶貨,點知換來一肚氣;自此她只買外國品牌的髮飾,貪其有品質保證,「試過幾次喺淘寶買,一係貨不對辦,一係三催四催都唔發貨,好激氣。」

紐約的Jennifer Behr、巴黎的Alexandre Zouari和韓國品牌等,都是她搜購的目標。她又會發揮創意,一物多用,「頭飾可以用來夾衫、做心口針,頭帶又可以用來縛腰做掛飾,只要花啲心思,就有好多唔同用法。」