為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 01 月 29 日

蘇民峰 二世古冰雪行宮

近年日圓匯率屢創新低,不少精叻的港人睇準跌勢,到日本買樓投資。

著名風水師蘇民峰是出名的哈日族,一○年他於日本二世古以約九千萬日圓(當年約七百六十五萬港元),買入The Vale Niseko度假酒店一個近一千三百呎單位作投資,幾年間已升值至二億日圓(約一千三百萬港元)。

該單位平日會當酒店出租,其他日子則是蘇民峰在北海道的行宮,每年冬天他都會飛過去住幾天,「除咗用嚟投資,每年嚟滑雪我都會喺度住。呢度旺季經常爆滿,自己住都要預早成年hold定間房,唔租畀人。」

睡房設有大型落地玻璃,可以一百八十度欣賞羊蹄山,風景如畫。

他的單位具備有利位置,吸引不少旅客入住,「推開房門就可以去滑雪」。

主人房空間感十足,放置了六呎乘六呎的巨牀仍活動自如。

為抵擋北海道極寒天氣,房間除了有暖氣,客廳更設有火爐,保暖之餘,又增添浪漫氣氛。

遠眺羊蹄山

蘇民峰喜愛到世界各地四處遊歷,對日本更是情有獨鍾,尤其北海道,每年一定會到二世古滑雪。「我好鍾意去日本滑雪,年年都會去,以前吓吓都要租酒店,始終唔係咁方便,幾年前索性喺二世古買間酒店式apartment,放假過到嚟有得住,唔住嘅日子就租畀人收租。

「間酒店喺正市中心,係最多旅客嘅地方,仲對正個滑雪場,附近又有好多餐廳,好方便。加上定期會有人幫我清潔同打理,仲會幫我報埋稅,唔使好似買私人樓咁,要煩點樣打理間屋。」

他買入的The Vale Niseko度假酒店單位,有三房一廳,其中一間有套房,可同時容納八個人居住:「個單位設備齊全,梳化、大牀、洗衣機、衣櫃一應俱全,仲有個大廚房,雖然陳設簡約,但入到去真係好舒服,落地玻璃仲可遠眺地標羊蹄山,景色真係一絕!我當正佢係我第二個屋企!」

蘇民峰這個單位,旺季一晚租金要十幾萬日圓(約萬幾港元),淡季則五至七千元一晚,「其實淡季無人會嚟住,全部係靠十二月至四月滑雪旺季,啲人嚟滑雪租屋住,幾乎每年都有成80%入住率,試過有一年收租收咗三十幾萬港幣,我正打算喺度買多幾個單位嚟投資!」