為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 童星「萌」料 2016 年 02 月 01 日

美心妹妹新書率先檢閱

舊年書展期間,美心妹妹楊鎧凝(Celine)推出個人寫真集中,載有幾張疑似意識不良嘅相片,因而引起軒然大波。結果,寫真集冇得賣之餘,Celine嘅媽媽李珈珈仲成為眾矢之的;此外,負責影寫真集嘅攝影師,亦被重案組召見調查。

上次搞到咁大鑊,Celine媽媽似乎決心要喺邊度跌低,就喺邊度企番起身。下個月,佢將幫囡囡推出新書,佢同東姑講今次本書嘅內容好唔同,主要係講囡囡由細到大嘅趣事。「本書有阿囡親手畫嘅畫,又有佢由細到大嘅生活相,亦有佢細佬得意嘅童年照,趁我o依家仲記得佢哋細路仔嘅趣事,希望留個紀錄。到佢哋十幾歲時,我真係唔記得,本書係想畀佢大個睇番,可以回味下。今次本書嘅性質好唔同,收益仲會撥作慈善用途。」

至於得七歲大嘅Celine點睇工作同學業呢?佢就非常之老積咁同東姑講:「我今日係做完功課先出嚟,我覺得做嘢好好玩,如果要我畀分,十分滿分,我會畀十分,我冇諗過將來要做明星,淨係覺得o依家好好玩。」

Celine嘅表演慾極強,呢日,佢見到日本紙藝大師石川道大,即刻捉住對方教自己製作小丸子公仔,雖然製作過程有啲複雜,但Celine都做得有板有眼。當佢見到東姑用手機拍攝時,仲刻意喺鏡頭前手舞足蹈,好鬼kawaii,唔做童星真係好浪費囉!

為皇室堡商場做宣傳大使嘅Celine,攬住小丸子公仔愛不惜手,該處現正舉行「櫻桃小丸子誕生30週年」紀念活動。

下月推出嘅新書中,將會刊載不少Celine嬰兒時的萌照。

Celine與媽媽感情要好,叫佢哋影合照,母女即刻擺出錫錫嘅pose。