為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 01 月 28 日

賣甜品賺近億 梁思浩孖同性密友慶祝

無綫在十二年前曾進行大裁員,被列入裁員名單的梁思浩,雖然苦苦哀求,但最終換來絕情的結果;於是,他絕地反擊與香港電台的餐廳老闆聰哥及聰嫂,合資開辦「聰嫂星級甜品」。當年三人只投資了七位數字,但早前竟以近一億港元的天價,出售甜品店的內地專營權,行運行到落腳趾尾的思浩,笑言:「呢世都唔使憂,o依家賺埋下一世嘅錢!」

為慶祝甜品店賺大錢,日前,約晚上八時,思浩就揸住Benz到跑馬地接埋「靚仔版林敏驄」,到灣仔星街撐枱腳,面對着型男、靚景,他一整晚都心花怒放,風騷入骨,與密友談笑風生。而兩小時多的晚餐,口技一絕的型男,逗得思浩春風滿臉。

當晚,圍了一條鮮紅色領巾的梁思浩,約了「靚仔版林敏驄」撐枱腳,他表現得特別風騷,兼全程四萬咁口。

「靚仔版林敏驄」反過來亦逗得梁思浩笑逐顏開,思浩還雙手掩嘴兼抑後狂笑,人生得一知己,死而無憾。

絕地反擊

十二年前,梁思浩被無綫請食豉椒炒魷,當年他無論怎樣死纏爛打,無綫都不回心轉意,堅決要將他out走。不過,聲稱中過四次六合彩二獎的思浩,果然一世夠運,如此這般,竟然造就他走上發達之路。當年被炒,令思浩下定決心絕地反擊,與香港電台餐廳的老闆聰哥及聰嫂合資了七位數,開設「聰嫂星級甜品」。經過三人的一番努力經營,其後生意愈做愈好,且聲名大噪;時至今日,竟然獲得內地飲食大集團的青睞。

據悉,思浩在曹眾的穿針引綫下,與上海小南國集團董事長王慧敏簽訂合作計劃,以近一億港元出售「聰嫂星級甜品」的內地專營權,而該集團預計會在內地一百個城市,開設三百八十多間分店。此外,賭王四太梁安琪亦購下「聰嫂星級甜品」的澳門專營權,並打算開設五至十間分店。難怪思浩笑到合不攏嘴:「如果一間分店,我每月分到一萬人民幣,三百八十間就有三百八十萬!」被問到現時身家有多少?他就大賣關子:「呢世都唔使憂,o依家賺下一世嘅錢!」

無分彼此

有用不完的錢財,生意又順風順水,識歎的思浩,日前晚上八時許,就去跑馬地接載同性密友「靚仔版林敏驄」,兩人聯袂到灣仔的星街撐枱腳慶祝一番。雖然兩人所光顧的餐廳以食漢堡、pizza為主,但環境亦十分有情調。當晚,頸上纏着鮮紅色圍巾的思浩,蹺腳而坐但不失優雅。用餐時,型男分思浩一半漢堡,思浩又給型男兩件pizza,無分彼此,情非泛泛。兩人共對的兩個多小時,型男話題不絕,逗得思浩多次掩咀仰後開懷大笑,口技一流。其後,他們發現記者拍攝,型男先行鬆人,而梁思浩亦快快埋單駕車歸家。

梁思浩廣結人緣,日前,第五間甜品分店開幕,就獲得不少圈中好友撐場,星光熠熠。

除了甜品店,梁思浩亦有作多方面的投資,前年他便投資了一個探靈手機apps。