為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2016 年 01 月 18 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

多元模法

今時今日投身「模界」做model,發展已經唔係單一方向,「Sun Esee」就係以多元方向發展model潛能嘅公司,當中嘅「Rising Sun」有多位有potential嘅model,準備喺2016年大展拳腳。

今晚「Paco巨星飯堂」就邀請咗四位明日之星:Kalin(趙加蓮)、Judy(莫穎彤)、Stephanie(沈伊晴)同Elise(周佩榆),佢哋嘅平均年齡得22.5歲,前途無限。我帶四位去到位於筲箕灣嘅「八沢」,品嘗有風味嘅日本料理,再暢談新一年嘅大計。

今晚我帶「Sun Esee」旗下嘅「Rising Sun」四位模特兒:Kalin、Judy、Stephanie同Elise(左至右),去到位於筲箕灣嘅「八沢」,品嘗有風味嘅日本料理,再暢談新一年嘅大計。

Judy(右一)同Stephanie(右二)都有份拍攝微電影《是咁的,我有四個女朋友⋯⋯》,二人非常投入,夠晒專業。

衝出平面

雖然四位新力軍以平面為主力發展平台,但係踏入新一年,佢哋都有拓展事業路線。當中廿三歲嘅Judy就率先參演過TVB嘅《網絡挑機》,另外佢仲同Stephanie一齊參與拍攝微電影《是咁的,我有四個女朋友⋯⋯》,衝出平面model嘅空間。

廿二歲嘅Stephanie表示:「喺發展嘅方向上,我以Janice Man、Angelababy作為目標。之前我睇《赤道》,Janice真係好charm,我會朝住呢個目標進發!」

至於身形最高挑(172cm)嘅Kalin,就以替青春品牌行catwalk為主;年紀最輕(十九歲)嘅Elise就話:「我係四個之中比較遲加入公司,但係o依家都開始試多啲唔同類型嘅job,平面feature、廣告都有,希望嚟緊可以試吓拍電影。」

日本清酒雞鍋($298),嫩滑雞肉下係超甜蔬菜,冬日之選。

八沢彈啖龍蝦粥($298/2人)選用越南龍蝦炮製,龍蝦肉相當爽口,味道鮮甜。

黑豚生蠔燒($58)以西班牙黑毛豬肉包裹廣島蠔,外脆內juicy。

放眼影壇

講到拍電影,除咗要有熱誠,我仲想了解吓四位新人對自己喺影壇發展嘅方向。Kalin表示:「我嘅外貌比較正經,但其實我啲朋友都話我係一個搞笑嘅人,所以我想試吓拍啲瘋狂喜劇,我諗個反差會好有喜劇效果。」

Judy就話:「之前啲人都係搵我做一啲cute嘅、甜美型嘅溫柔女仔,可能係我外形局限咗,我就想試吓做啲苦情嘅角色,多啲內心戲嘅演繹就最好啦!」

Stephanie同Judy嘅「理想角色類型」大致一樣,Elise嘅答案就相當有驚喜。「我好鍾意睇動作片,由細到大都係,所以我好想拍動作片,做一啲女殺手嘅角色。雖然我冇學一啲好傳統嘅武術,但係都打咗幾年泰拳,希望有幫助啦!」

Judy同「大孖」周志文合作拍微電影只係起步,演出機會陸續有來。

四位model都有意向影壇發展,而且都充滿熱誠,係值得給予機會嘅!

餐廳係老闆Andy(中)一家人嘅心血結晶,老闆娘Maggie(右三)身兼大廚,以心炮製美食。

家庭小店

哈哈哈!既然四位都有心作多方面發展,我相信佢哋都有heart去達到目標。好似我哋今次飯敍地點「八沢」嘅老闆Andy,一樣咁有heart去挑選食材,由老闆娘Maggie製作特別嘅料理。當中一道黑豚生蠔燒,就係Andy夫婦其中一道誠意之作:「同類型嘅燒蠔通常都係落煙肉連殼燒,我想同其他嘅唔同,所以之前試過唔同嘅方法去燒,最後覺得用西班牙嘅黑毛豬肉,包住原隻廣島蠔,燒到外面脆脆哋,裏面又保持juicy,效果係最好嘅。」

有heart嘅家庭作業,令今晚嘅飯堂更加溫暖。

黑松露忌廉海鮮烏冬($88),黑松露同creamy嘅湯底夾到絕。

一桶厚燒鰻魚玉子飯($188/2人),份量十足。

芥末果醋冷烏冬($68),十分清新。

黑蒜炙燒極濃黑豚肉拉麵($78),湯底一流!

廣島蠔肉碎烏冬($78),啖啖鮮味。

八沢
地址:筲箕灣東大街55-99號東威大廈地下7號鋪
電話:26699200

下期預告

帶劉若英品嘗特色fusion菜。