為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人家居 2016 年 01 月 15 日

近水樓台 林仕超

盛諾集團太子爺林仕超(Ken),旗下公司生產Sinomax枕頭和牀上用品,他對住屋的要求自然高,地點要近市區之餘,又要有近郊的感覺,仲要擺得落遊艇,以便隨時出海。

去年初,他幾經尋覓,終買下西貢匡湖居一間獨立屋,「我搵咗屋一年,香港唯一得匡湖居有私人碼頭可以泊船,加上爹哋媽咪住對面屋,打開門行過對面就可以探佢哋。呢度真係一屋難求,要暗盤同人爭,成交完,啲人話我拉高晒個價,哈哈!」

客廳以白和藍色為主色,風格簡約,Ken透露家具購自宜家傢俬,全屋約二十多萬元埋單,「唔使吓吓買貴嘢,到唔鍾意時,就一次過換晒佢。」

Ken在讀書時夾band十多年,方大同的音樂拍檔張德銘(Derrick Sepnio)、作曲人鄭嘉嘉都是他的隊友,他在客廳擺放了一套Roland電子鼓,價值約$60,000。

Ken喜歡開放式廚房,用了三十萬打造,拆牆重新裝修而成,他還在吧枱裝設電磁爐,方便打邊爐。

客廳外有個大露台,平日可以相約親友開BBQ派對。

自成一國

林仕超是盛諾集團總經理,長駐國內發展業務,難得返香港,自然要同太太和女兒共享天倫。去年一家三口進駐二千呎的獨立屋,與父母成為左鄰右里,可以互相照應,「呢度好似以前啲屋村咁,啲街坊、鄰居好正,會成日一齊見面、飲酒、BBQ、打邊爐,出海釣到條大魚,仲會約埋一齊煮嚟食。平時我哋屋企唔鎖門,行過就入嚟玩,好鍾意呢度聚咗好多正能量。」

曾在加拿大生活十年的林仕超,對家的定義有另一看法,「間屋一定要整得好靚咩?我講求生活,唔要面子。我全屋傢俬真係好平,用咗廿零萬,一個月就搞掂搬入嚟。最緊要知道自己想要嘅style,買準顏色,我當間屋好似廣告嘅佈景板,一唔鍾意就拆晒換過,梳化唔鍾意就換入太空棉,變成頂級梳化。」