為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2016 年 01 月 14 日

港鐵主席馬時亨 趁搭車收風

港鐵新任主席馬時亨,第一日履新就來個凌晨零時窩心探班,又扮鬼扮馬做宣傳,大顯公關身手,難怪迅速成為市民心目中的港鐵代言人。

話說上個星期三,馬時亨因公務跟同事一起坐港鐵由尖沙嘴過中環,當時已過了上班繁忙時段,車廂唔算擠迫,佢一上車就有乘客認得出,還主動打招呼:「馬生你好呀,嘩你自己親自落嚟巡視?」

馬時亨有點不好意思說:「唔係呀,我同你一樣,都係普通乘客咋。」經此一問,他靈機一觸,覺得既然自己經常搭港鐵,何不善用搭車時間,順便同乘客傾吓偈收吓風,仲話以後市民搭港鐵遇到佢,不妨畀吓意見,等佢了解多啲用家感受,讓港鐵可以「有則改之,無則加勉」。他又透露最常搭機鐵和東涌線。

他續說:「現在網絡發達,只要有智能手機就能掌握天下事,例如乘客遇上班次延誤,在極短時間便可透過社交網絡瘋傳開去,令小事好快變成大事。所以我搵了一班後生仔,組成顧問團隊幫手度橋,用他們的思維,透過社交網絡渠道,加深乘客認識港鐵的優質服務。」

身為港鐵主席的馬時亨(左),未來三年工作重點包括完成觀塘延線、南港島線,以及在一八年開通高鐵。

港鐵最近組成一隊年輕顧問團隊,以年輕人思維度橋,協助推廣港鐵優質服務。