為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 01 月 13 日

科技醫療房屋乜都有 「福袋」一般的施政報告

政長官梁振英星期三發表佢任內第四份《施政報告》官場耳語今次唔會有具爭議政策出爐,各方唔使磨拳擦掌,反而會有好多務實措施。消息人土同本刊話,今次係一個「不扮高深,專注經濟民生」嘅報告,係個乜都有嘅「福袋」。

所謂「福袋」,即係公司一年到尾將當季正價貨品一大堆入落袋,劃一一個便宜價錢畀客買,雖然唔會有新貨,但好多時會有驚喜。傳聞《施政報告》喺科技、醫療、房屋、教育、環保等樣樣都有著墨,不會順得哥情失嫂意。

本周日不同團體遊行,要求《施政報告》回應不同訴求。

有說梁振英的《施政報告》可以話包羅萬有,雨露均沾。

傳《施政報告》最大支出,係每年投近七十億元推行免費幼稚園教育。

由於明年會舉行行政長官選舉,今次係CY最後一個全年嘅《施政報告》,據了解佢特別用咗唔少篇幅回顧過去政績,包括佢當年競選政綱內提過嘅想法及落實程度,並前瞻未來香港趨勢。

今次《施政報告》將集中搞好經濟民生。據悉其中最大筆支出,係每年將投放近七十億元,以推行免費幼稚園教育,較現行學券制每年額外支出三十億,最快一七年起實施。

CY曾經喺特首政競政剛講過要推行十五年免費教育,不過一直只聞樓梯響;佢之提出嘅強積金對沖受商界強烈反對,未有進一步具體政策,反而免費幼稚園教育就先上馬。此外,佢亦有著墨「一帶一路」發展機遇,打算設立獎學金。

CY一直認為新科技係令香港活起來嘅新動力,傳話《施政報告》會有一系列創新科技政策推出,包括設立五億元種子基金,另外亦有五億元立農業持續發展基金,推動農業現代化。

醫療方面,傳聞話會預留經費喺將軍澳起中醫院,資助女性注射子宮頸疫苗、改革醫委會,同埋撥資源研究加快聘請海外醫生。

消息人士解釋,過去幾年香港內耗不絕,既有政改爭議,又有佔領行動,今年至能夠專注搞民生,過去唔少團體政府施政都有訴求,喺最後呢一年一於雨露均沾,以量取勝,希望皆大歡喜。