為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 01 月 07 日

「有底」靚模麥記冧俊男

二十四歲嘅o靚模袁晴晴(CoCo),因為屈一名廚師買廿萬Chanel手袋不成,跟住借用對方嘅手機後,一去冇回頭,而被法庭判咗盜竊罪,留有案底,呢單新聞仲上晒A1添。唔講唔知,原來佢會考竟然有1A5B,佢話原本想透過「拔尖」途徑入讀大學新聞系,將來做女主播,可惜差幾分失敗喎。

做唔成女主播唔緊要,CoCo覺得自己係應該要靠美色去搵食,所以先入行做o靚模,之前畀人話呃錢,佢當然係心有不甘啦!

於是,早排CoCo就突然向傳媒爆料,力指因演出《警訊》而爆紅嘅Heily(馬溱禧),專o氹o靚模「搵快錢」,佢仲拎出WhatsApp截圖及短訊嚟做證,上面寫住每次收入有成八千至萬二;而Heily就極力否認,話唔會賺呢啲錢,仲揶揄對方抽水。

日前,東姑見到自稱唔會「搵快錢」嘅CoCo,今次佢做個肯食麥記嘅女人,同一位靚仔匿埋一角,喺度打情罵俏,CoCo個樣仲表現得好冧添。今次佢嘅目標似乎唔係錢,應該係垂涎人哋嘅「鮮味」囉!

日前,東姑喺麥記撞到「有底」o靚模CoCo,同一個俊男匿埋一角密斟,而佢仲表現得好冧添。

近日憑《警訊》爆紅嘅Heily,被CoCo指佢專o氹o靚模「搵快錢」,但Heily就否認並斥對方抽水。