為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 01 月 01 日

開櫃5件事

打開衣櫃七國咁亂,啲衫多到山泥傾瀉,但件件都想着,點搞?

被美國雜誌《Vanity Fair》選為最佳衣着獎的法國潮人Ines de La Fressange,早前發表衣櫃必備十件衣飾,公開教路簡單便是美的着法。而香港幾位身為style icon的名模、名媛和時裝設計師,將港版的衣櫃濃縮成五件衣飾﹙又係土地供應問題﹚。

只要略花心思配襯,便可併湊出不同風格的造型,學嘢喇!

陳嘉容 百搭 one-piece

九四年入行的陳嘉容,曾替多個國際時裝品牌時裝騷擔任模特兒,穿過的靚衫多不勝數,但講到自己家中衣櫃必備的fashion item,她表示非黑色連身短裙、黑色七分貼身褲、白恤衫、黑色尖頭高跟鞋和黑色圓頭平底鞋莫屬。

「我覺得女人一定要有條質料好嘅黑色one-piece,因為無論去cocktail或去party,只要配襯唔同嘅飾物,自然會有唔同嘅感覺,絕對係百搭嘅首選。而白恤衫則是四季合襯嘅服飾,只要下身配襯一條長裙,便可變成大方高貴的晚裝;而改穿牛仔褲則變成casual look,極之方便。」

一條簡單的黑色連身裙,只要配上珠鏈和頭飾,馬上變成貴氣十足的晚裝。

陳嘉容衣櫃裏的衫全部都係百搭服飾,左搭右搭,隨時變新 look。

陳嘉容 衣櫃5寶

1黑色連身短裙

2黑色七分貼身褲

3白恤衫

4黑色尖頭高跟鞋

5黑色圓頭平底鞋

琦琦 愛大喇叭

琦琦在天橋上甚麼類型的衫都着過,其衣櫃必備的五件衣物,是牛仔褲、黑色貼身西裝外套、白恤衫、西褲和衛衣,她解釋:「我好鍾意着Paige的牛仔喇叭褲,着起感覺好似着運動褲咁舒服;仲有喇叭西褲都好鍾意,因為顯得腿長,我嘅個性好男仔,着裙要好小心,我衣櫃裏面佔90%係褲。

「黑色西裝褸可以夜晚去cocktail着,披上身已經簡單有型,可以改變到夜晚和中午的分別;白恤衫是必備,用來襯牛仔褲已經好好睇,人哋睇得好舒服,有化妝和無化妝都着得靚,而衛衣唔使燙就可以着上身,我成日去旅行就最方便。」

Dolce & Gabbana黑色貼身西裝和大喇叭褲是琦琦的至愛,簡單一件黑色貼身西裝,絕對出得大場合。

琦琦 衣櫃5寶

1牛仔褲

2黑色貼身西裝外套

3白恤衫

4西褲

5衛衣