模特兒兼節目主持倪晨曦（Elva）曾簽約寰宇旗下，當過江若琳師妹，自約滿回復自由身後，她便盡情享受做自己喜愛的事情，包括繼續拍片上網向大家分享美容時尚和旅遊心得。「之前經理人公司都有挽留我，亦都有其他公司向我招手，但我想唞一陣，放假去吓旅行先，之前拍咗唔少旅遊片，同大家介紹邊度好玩，嚟緊都會繼續一路玩一路拍片。」她在youtube建立的個人頻道，訂閱人數近十萬，充滿野心的她還揚言：「我嘅目標係成為時尚美容達人！」

愛旅遊、美容時尚之餘，曾主持過nowTV健身節目《Yo! Gym+》的她，近年亦迷上了瑜伽，今年初更遠赴美國三藩市進修一個多月，考取瑜伽教練牌照。「每次做完瑜伽都會好精神，心靈會平靜落嚟。平時工作壓力好大，好似冇焦點又混亂，做咗瑜伽後大有改善，專注力都強啲。」

　　而她同時亦很喜歡做的小手作，更讓她獲鞋履品牌邀請，親自設計鞋靴，推廣「DESIGN YOUR OWN 」的活動。「我未試過整鞋，原來好多細節位都可以自己設計、揀顏色，我覺得好好玩，好新鮮但又好頭痕！」勇於嘗試，倪晨曦不愁無出路。

Profile：

英文名：Elva

出生日期：8月15日

身高：174cm

入行經過：零五年多倫多華裔小姐冠軍、零六年國際華裔小姐五強

曾主持節目：《操控音樂》（一四年）、《我是歌手2》（一四年）、《Yo! Gym+》（一五年）

曾演出電影：《溝女不離三兄弟》（一三年）、《小姐誘心》（一五年）