為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 12 月 21 日

相機王 陳瑞麟

Qeelin創辦人兼創意總監陳瑞麟(Dennis)熱愛攝影,更是位百分百相機發燒友,無論是古董風琴相機、大幅菲林相機,或是最新的數碼相機和鏡頭,他睇啱就買,十年間買入過百珍藏。

每次出埠,他都愛到當地的二手相機店尋寶,為了買入一支1844年出產的銅製鏡頭,他不惜花上一年時間,上網與一位美國收藏家交流,並游說對方出讓。「玩相機唔算貴,我冇刻意計過用咗幾錢買相機,如果一定要講個數,啲錢接近買到一部超級跑車。」

他身邊的CHAMONIX大幅菲林相機(右上),是由一家中國的相機工作室專門設計和生產,「牌子同法國一個雪山同名,用『8×10』大幅菲林,同美國同級相機比,佢只有五份一重量。」價值約$30,000。

一支鏡十幾萬

這天與陳瑞麟訪問,他着助手從辦公室搬來數十部相機和鏡頭「晒冷」拍照。「呢度係我珍藏嘅三份一左右,仲有好多擺喺屋企。其實我喺中學時期已迷上攝影,但真正玩相機就大概由十年前開始。」

談起相機,他眉飛色舞且滔滔不絕,隨手拿起一支鏡頭,說:「!呢支勁嘢呀!Leica noctilux 第一代,50mm定焦鏡頭,六十年代德國製,o依家好難搵,舊年我喺巴黎啲古董相機店搵到,用咗十幾萬買返嚟,嗰個老闆話我知,支鏡頭係著名攝影師用過,影過越戰,見證過歷史。呢款鏡出到第五代,二、三、四、五代我都買晒,買埋呢支第一代終於集齊一套。」

為了得到心頭好,陳瑞麟笑言有時要好有耐性地游說其他收藏家割愛。「早年睇過外國攝影師用銅鏡影出嚟嘅相,真係好震撼,影人像細緻度好高,但卻好柔和,背景仲好似個漩渦咁,跟住我就開始四圍搵呢類鏡。有次喺網上認識咗一個美國伯伯,佢收藏咗好多銅鏡,於是我喺網上請教佢用銅鏡影相嘅技巧,大家傾足一年,佢見我咁有誠意,最後賣咗兩支有百幾年歷史嘅銅鏡畀我,鏡頭上嘅英文字都係人手刻上去,真係可遇不可求。」

自1844年的Dallmeyer 和 Voigtlander銅鏡,是他的珍藏中最古舊的鏡頭,「兩支都有百幾年歷史,鏡頭上啲英文字係人手刻上去,影人像細緻度好高但柔和。」