為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2015 年 12 月 10 日

張晉苦練詠春拍《葉問3》

由甄子丹、張晉及熊黛林主演的《葉問3》將於今年聖誕黃金檔期上映,「最佳男配角」張晉日前接受訪問時坦言,拍此片有好大得着,「可以同甄子丹交手固然過癮,故事亦對我嘅生命有所啟發。」

《葉問3》最後一幕中,張晉同甄子丹以六點半棍和八斬刀過招,預告一出,短短十小時已吸引近一百萬次瀏覽,逾五萬人讚好,「拍呢部戲真係好辛苦,唔係拳來拳往咁簡單,因為前兩集珠玉在前,第三集要突破唔容易,既要突出詠春特色又唔可以天馬行空,亦唔能夠用鏡頭借位。」

張晉又坦言,拍攝這部戲後對功夫了解更多,更為拍攝苦練多時:「之前我對詠春認識唔多,為演好詠春高手角色特地苦練三個月,至少睇落去似模似樣,呢個係演員嘅責任。因為詠春通常用拳腳,但今次就要用八斬刀同長棍,枝棍有成九呎長,揮耍時又要講求速度,都幾吃力o架!」

面對「宇宙最強」,自言是平凡人的張晉唔算好大壓力,他一臉輕鬆大笑說:「因為丹爺對我好好,反而角色方面就有小小壓力,因為導演對我有期望,好記得第一日開工未拿捏到角色,拍咗成日都浪費咗,開工第二日拍到第三個鏡頭,導演先話OK。我相信演員係要狀態嘅,而且我經過電影《一代宗師》之後心理質素好好,王家衛磨煉到我接受重覆又重覆嘅拍攝心態。」

張晉自知對詠春認識唔多,拍攝前用心苦練三個月。

張晉除詠春拳腳功夫外,揮耍八斬刀亦似模似樣。

張晉直言「宇宙最強」甄子丹對自己好好,壓力只來自角色上的發揮。