為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2015 年 11 月 13 日

獨家直擊  李國章接女友HAPPY FRIDAY

前教育統籌局局長李國章,會否成為港大校務委員會主席仍未揭盅,但外號「亞瑟王」、七十歲嘅佢,近日爆出忘年戀,與香港數碼電台市場推廣部主管、年紀細三十歲的Monique Ho(何婷媚)拍拖,更惹人熱話。

上周五傍晚約六點二十五分,本刊記者目擊李國章乘坐車牌「AK 1」的座駕,到灣仔電訊大廈,接女友放工Happy Friday。

唔知係咪怕傳媒影相,「亞瑟王」今次香車接佳人行動,佢除了不做司機改坐後座,後排兩側車窗又落咗黑色車簾,更事先通知定停車場,車未到女管理員已預先升起出入口的欄杆,豪華房車高速駛入停車場,待身穿黑外套白衫的Monique上車後,唔夠分半鐘就出閘絕塵而去,記者想衝上前問兩句都唔得。

本刊上周五傍晚直擊,李國章(後排右)乘坐車牌「AK 1」的座駕,到灣仔電訊大廈接女友Monique(後排左)放工,房車以高速駛走,仍隱約見到她穿着白衫黑外套。

據知李國章與Monique(前排右三及二)去年中開始拍拖,大半年前才變得高調,不時雙雙出席朋友聚會。

外界對Monique所知不多,只知她年約四十,有四個姐妹;她在澳門長大後到美國加州州立大學洛杉磯分校讀市場學,然後回港在商界工作多年,二○一三年十月才跳槽至DBC,之後與李國章邂逅。

DBC行政總裁羅燦向本刊透露:「幾年前在朋友飯局上認識Monique,當時佢喺新加坡一間上市公司做Marketing,覺得佢眉精眼企,邀請佢過檔。佢一手一腳搞開台儀式,又負責數碼收音機的銷售工作,相當能幹又易同人合作。」

有Monique多年朋友就透露,她性格開朗愛講笑,「她好識得搞氣氛,聚會上有她在肯定沒冷場。她認識李國章時,對方剛喪妻,她工作能幹又有幽默感,同李國章可謂一拍即合。」據悉Monique家境不俗,英文了得,與梁思浩、余安安等娛樂圈中人相熟。

Monique(右二)與四姐妹感情甚佳,圖為她○七年出席妹妹婚禮時所攝,樣子與打扮跟現在略有不同。

另有DBC員工爆料指,李國章當時係董事會主席,在董事會會議上跟Monique屢有接觸,適逢他喪妻不久,獲對方關懷慰問,雙方漸生情愫。另一知情人士則透露,兩人去年中開始拍拖,最初相當低調,大半年前才經常出雙入對,一同出席朋友聚會。

據悉,Monique拍拖後主動向DBC高層申報與李國章的親密關係,可見她處事公私分明。

戀情曝光後,Monique已將facebook等社交網站的相片隱藏起來,有口痕友話,之前佢在fb分享過婚紗展的資訊,懷疑佢同李國章好事近,不過有熟悉李國章嘅朋友就透露,佢暫時十分享受拍拖生活喎。