曾德成退任後不愁寂寞

前民政事務局局長曾德成日前獲民政同儕邀請飯聚，好多AO都有出席，新知舊雨儕儕一堂，好似一家人咁，証明德成局長頗得人心。

是晚在跑馬地馬會筵開九席，除康樂及文化事務署署長李美嫦、法律援助署署長鄺寶昌及民政事務總署署長陳甘美華及新聞處處長聶德權之外，佢在任八年間不少舊同僚都畀面出席撐場。

有與會政府中人同筆者講，話德成局長成晚好開心，不斷收禮物，好似陳甘美華就送咗一幅親手寫嘅毛筆字「亦師亦友」俾佢，而聶德權就以一盆喻意君子嘅蘭花贈知音，原來德成局長太太係愛蘭之士，轉贈俾太太適合不過。佢地仲整咗一本佢在任時出席活動嘅相集，其中一張相好有意思，係曾德成敬重嘅漢學家饒宗頤、喺一次荷花展上親筆寫俾佢嘅「知足常樂」四個字，佢話係佢寫照，更珍而重之收藏。

聶德權以蘭花喻意，令曾德成笑開顏。

饒公手寫「知足常樂」四字，與曾德成。

德成局長喺台上講下退下來嘅生活同感受，佢話有些人是上台容易落台難，而佢就係上台艱難落台易。平日已經出口成文嘅佢，回首過去講咗八個字，就係「一生服務，常懷喜悅」，表明與一眾舊同僚互勉。

曾德成退休後不愁寂寞，早前去完非洲睇動物大遷徙，話好壯觀，住宿仲好有原野FeeL，沖涼要搵專人攞桶水照頭淋，之後去咗日本睇紅葉，跟住又去南台灣佛教重心佛光山小住，參觀由星雲大師和弟子一手一腳建起來嘅大乘佛寺。

民政一家親原來好多人鍾意唱歌，例如民政事務局副秘書長麥敬年，本身係英國人嘅佢唱歌手王傑的一曲《可能》，技驚四座，聽到現場人士出晒耳油，有口痕友話佢應該係繼楊立門外，另一個AO歌王。大家在席上還送上多首歌曲，包括《朋友》、《千千闋歌》及《祝福》等，