為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 11 月 05 日

地獄生B操 羅苡之夫婦

羅樂林女兒羅苡之(Tisha),和藝人陳志健(Otto)一二年結婚時,揚言三年後實行生B大計,但去年底她打波時不慎弄斷十字韌帶,之後又輪到Otto入院開刀割腫瘤,生B大計一再受阻。

今年中兩夫婦康復後,即馬上操fit身體,為「開工」生B做好準備。上周二人又合體去做運動,Otto更地獄教練上身,對老婆嚴厲至極,羅苡之不時做到V嘩鬼叫。結果他們操足兩粒鐘,為了生仔,兩人可以去到好盡!

Otto教Tisha深蹲,即是坐無影櫈,每次坐一分鐘,可以強化及收緊腿部,但Tisha坐半分鐘已頂唔順呱呱叫。

魔鬼教練

Tisha和Otto過去一年好黑仔,兩公婆輪流進出醫院,Tisha無奈地說:「我哋變晒傷殘人士,先係我打波打斷咗十字韌帶,要入院做手術,休養咗幾個月至完全好番;之後又到Otto入院割7cm大嘅腫瘤,兩個月唔可以做負重運動。」

兩人康復後,馬上調理身體,繼續進行生B大計。身為星級健身教練的Otto,更為太太度身訂造keep fit課程,但Otto笑言教學生容易,教自己老婆卻相當困難,但為生B,只好硬着頭皮,他歎口氣說:「練練下真係試過鬧交,佢有時又會嗲下,有時又會發爛渣,絕對唔可以好嚴厲咁對佢。」在旁的Tisha搞笑說:「朋友都話我同佢一齊,唔搵佢教好嘥啫,但佢出名嚴格,佢帶住我上過幾次堂,好地獄。」

Otto有技巧地由淺至深教導Tisha,初時做些輕巧的器械操,及舉啞鈴熱身,兩人在健身室裏嘻嘻哈哈,輕鬆了十五分鐘,戲肉來了,Otto開始為Tisha設計一系列動作,「想懷孕先要強化對腳和腹部,因為大肚會重咗好多,下身同腳嘅負荷較大,所以首先要強化腰、腳。」

生BB時腹部同樣要用力,做腹外斜肌,是最有效訓練腹部的動作。Tisha曾是港隊投球項目的訓練員,這個動作難不到她。