為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 11 月 04 日

潮流指錶

蘋果產品向來被譽為神級潮物,iPhone、iPad一出就被「搶」,去年推出的apple watch,上月初與Hermès crossover推出三款皮帶版,開售唔夠一日即被搶購一空,城中名人唔想等,又唔想捱炒價,唯有提早預訂入貨。

靚錶到手,第一時間梗係要影相po上網晒吓先啦,唔通攞嚟戴咩!

何超欣 標準果迷

賭王千金何超欣是標準「果迷」,早前她出席楊受成結婚30周年盛宴,在傳媒鏡頭前匆匆走過,手上戴着一隻橙紅色Hermès Double Tour apple watch,又拿着兩部iphone,想睇時間?睇手錶又得,睇手機亦得!

范姜 霎時驚喜

忽然有禮物收當然有驚喜,如果收到價值$12,088的Hermès Cuff apple watch,就簡直興奮到暈。范姜收到這隻錶後亦忍唔住上網大晒幸福,仲附送三個心心圖案,唔使問阿貴,隻錶一定係老公鍾鎮濤送。

徐濠縈 跑步計時

永遠走在時代最前端的阿徐,熱愛跑馬拉松,運動裝備當然一應俱全,有價值$2,728的白色apple watch作跑步計時器,時間分毫不差準確記低!

袁詠儀 勝利錶帶

曾被老公張智霖大爆去旅行時,必定要到Hermès專門店朝聖才肯食早餐的袁詠儀,又點會錯過Hermès版的apple watch,開售第三日即戴上價值$10,088啡色Hermès Double Tour apple watch同朋友聚餐,影相時做個勝利手勢,淨係條錶帶出鏡都夠煞食。