為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2015 年 11 月 03 日

關慧玲

《東周刊》社長兼總編輯。

鄔滿海力倡超優質長者居

香港跟好多富裕社會一樣面對人口老化問題,同房協主席鄔滿海傾起,佢地下月初推出嘅首個非資助式長者屋「雋悅」,就係新試驗。佢話房協喺住屋上一直扮演實驗室角色,呢個酒店式質素嘅長者屋就夠晒創意。

「雋悅」位處北角丹拿山,屬港島中產地區,五百八十八個單位以終身租約方式俾長者抽簽申請,仲夥拍養和醫院及浸大中醫藥學院喺物業開設診所,專提供老人專科服務,有點似外國嘅長者生活社區。

鄔滿海歎說,安老服務無得揀,至會出現早前劍橋護老院老人家被剝衫沖澡的的新聞,每一個人對社會都曾有貢獻,都唔希望晚年被咁無尊嚴地對待。

鄔滿海話,佢地之前參觀過唔少外國這類型式住宅區,其中以日本一個單幢式住宅連醫院項目印象最深,「佢拍住一間私家醫院合作,喺醫院旁邊建成一幢單幢住宅,成間酒店咁,有大堂有服務台,住客大部份係俾得起錢嘅退休高管,日日得閒打高爾夫球或者去遊水晒太陽,有病就過隔離睇醫生。」聽落入住費應該頗高,鄔滿海笑話呢個的確係非一般收費,佢地只係參考做法。

「雋悅」由於要向政府補足地價,市場估計人場費最低三百萬元,不是一般長者可以負擔。房協周一便宣佈同按揭證券公司合作,度身訂造按偈優惠,長者可以將自住物業按俾銀行,選擇一次過拿取一筆貸款用來付「雋悅」的入住費;或者選擇每月取回一筆費用,而在銀行批準下,佢地按俾銀行嘅物業,照舊可以出租收取租金。

面對高齡化問題,香港針對長者居住的物業市場一直交白券,鄔滿海話房協長者屋正好以有經濟能力的中產退休人士為對象,希望能吸引私人市場接力,發展這種建屋模式。

「外國好多都似小社區形式運作,一群組獨立屋連泳池、會所、醫院等配套一起建。」佢話香港因為地少、建築費驚人,而長者未必可以長時間用到好多設施,所以如果商官可以合作,政府在規劃時一早預留發展長者屋的地方,發展商便可以配合,「舉例發展商計劃起五幢單幢式物業,當中便預留部份單位甚至一整幢作為長者居,交給NGO營運,買入住宅單位嘅人,其家中長者可以優先抽簽住進去。」鄡滿海話,由於現代人以核心家庭為主,但又想家中老人住在附近方便照顧,所以這個發展模式有得諗,問題是政府賣地時要早作部署,「另一個諗法係好似學校網,規定幾多人口嘅社區就要有幾多安老設施。」