為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2015 年 09 月 24 日

陳岳鵬升官 葉劉:祝佢好運

助理陳岳鵬,獲委任為政制及內地事務局副局長,成為問責團隊中最年輕的副局長,亦是首位政治助理升任副局長。

佢可以話係陽光男孩,閒時鍾意游水和跑步,馬拉松、渡海泳都啱。有人去年在維港渡海泳野生捕獲佢,仲拍低佢有六嚿腹肌。

陳岳鵬仕途可謂一帆風順,美國史丹福大學畢業嘅佢,畀當時都係喺史丹福進修嘅葉劉賞識,帶埋佢返港一齊成立匯賢智庫,後變身為新民黨,○七年首次參選區議會即報捷。

當佢遇到人生另一個伯樂、時任特首辦主任譚志源,提拔佢到特首辦任特別助理時,佢不惜放棄區議員職務加入政府,據聞搞到恩師葉劉好唔高興,更慘是匯賢智庫在該次補選中保唔住議席,輸咗畀公民黨司馬文,其後政圈便不時傳出葉太不滿陳岳鵬的說法。

佢家更上層樓,本刊問過葉劉,佢只拋下一句說話,就係:「祝佢好運!」

剛接替劉江華、升任政制及內地事務局副局長的陳岳鵬(中),是個游泳愛好者,去年他參加了維港渡海泳,不知今年有否時間再游?