為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 07 月 25 日

Ana R. 佗B孕記

能與另一半拉埋天窗,組織幸福小家庭,並誕下愛情結晶品,是不少女人夢寐以求的幸福三部曲。

近日名模Ana R.終於向第三部進發,宣布懷孕五個多月,準備升呢做媽媽。

一三年底與英籍男友Brad結婚後一直開行turbo造人的Ana R.,雖已三十五歲,但她無懼做高齡產婦,訪問當日更身穿五吋高跟鞋,盡騷fit爆身材,言行舉止依然散發着名模風範。

談及肚裏的BB,她聲線變得溫柔:「我同老公都好鍾意小朋友,所以婚後一直都不設防造人。我又會着性感睡衣增加情趣,但一直都未有成果。本來諗住呢兩年仲未有小朋友的話,就去接受IVF(人工受孕),點知月前突然發現自己有咗,我同老公都好驚喜,好期待BB出世。」

Ana表示產後不會做全職媽媽:「產後我會休息一至兩個月,專心留喺屋企慢慢養好身體,當身體恢復狀態後,就會出番嚟做嘢。」

懷孕後的Ana雖然較情緒化,但她盡量保持開朗心情,享受佗B的日子。

求子秘方

為了趕羊年生B,Ana R.可以去到好盡,之前曾到茶果嶺摸「求子石」,又到車公廟轉風車祈福,更做瑜伽及看中醫調理身體,但仍然B信全無,本以平常心看待懷孕一事,怎料BB突然前來報到。

「之前我一直忙於工作,加上有時月事遲嚟同唔準,所以無留意自己已經有一段時間無嚟月事。後期我愈想愈不妥,於是買了一支電子驗孕棒檢查,結果寫住『Error(錯誤)』,我心諗會唔會係支驗孕棒壞咗?於是又走去買第二支,呢次就寫住『Positive(指懷孕)』。一支話我無,一支話我有,我惟有再買多支來驗,足足驗了三次我先確認有BB。當時我立即打電話畀老公報喜,大家都開心到震!」

Ana R.透露和老公已知道BB性別,但為了保持神秘,決定等BB出世後才公布。她聲言會選擇自然分娩,BB亦會在香港醫院出世和讀書、生活。「其實男同女對於我嚟講都冇所謂,最緊要BB身體健康,不過我老公就好想生女,因為契女(吳彥祖太太Lisa S.女兒Raven)實在太可愛,成日見到Raven同佢爸爸媽媽一齊,感覺好sweet。」

Ana早前與老公和愛犬在社交網公布造人成功。

她又鬼馬地指着「有大肚婆請勿吸煙」的標示牌,宣布懷孕二十周。