為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 07 月 18 日

娜姐舊愛孖超蓮舊愛書展賣肌

曾經同賭王女何超蓮拍拖一年多的Jeremy(黃俊豪),近日換了一個青爽髮型,操肌改變了身形,再以型模身份,與周秀娜的「前度」陳偉成(Avis)、A&F紅褲仔model Wilson(鍾志峯)等,趁書展賣肉出書,教人操弗練大隻。

上周「八號波」翌日,三個大隻男更相約去大浪灣衝浪,三人在沙灘上齊齊除衫,在烈日下展現操肌操到脹卜卜的胸肌和腹肌,睇到人嘩嘩聲!

大變身的Jeremy,昔日稚氣全消,問他會否送書給舊愛超蓮,他說:「我哋已好少聯絡,都仲係friend,但只係喺facebook見對方生日,會留言嗰隻。」在旁的Avis搭嘴說:「我哋唔會送書畀人,支持我哋嘅,就買書啦,咁就係朋友。」

咁周秀娜仲係咪朋友先?

Jeremy的body shape好靚,穿上白色的沙灘褲,落水即時激凸,怎會聯想到他曾經是190磅的肥仔,「我中一時好肥,成日畀人話我死肥仔,拍我pat pat,我的起心肝減肥,做運動做到有腹肌,至開始有女仔鍾意。」

Jeremy同超蓮在朋友介紹下認識,在○九年拍拖一年多,二人經常拍拖行街,Jeremy更有份出席何家聚會。

Jeremy被女仔挑逗

廿四歲的Jeremy,穿上白色沙灘褲,濕身後下身激凸,一向有滑水的他,忙於指導Avis和Wilson怎樣上板,他說:「以前掛一號風球,我就請半日假,同班friend去滑水。」

他在英國University of Hertfordshire修讀傳理系,三年前的暑假,在港被發掘任A&F開幕的模特兒。年多前畢業後,正式入行做模特兒,拍電視、平面廣告和行騷,同時是《Prestige》的編輯和fashion blogger。「我讀傳理系,想做番media工作,但細個做過model,我又貪靚,鍾意着靚衫,所以想兩邊都做。呢兩年我操到個body shape有晒線條,着衫、行騷都好睇啲,大部分女仔都鍾意睇呢種身形,我靚過,唔想唔靚,所以會一直keep住。」

四個肌男陳偉成(左一)、黃俊豪(右一)、鍾志峯(右二)和姚淇瀚(左二)出書教授自家健身和飲食方法,Avis說:「呢本書老少咸宜,騷fit body唔係寫真集,書展o靚模喺A區,我哋喺B區,好正面,我哋係靠自己雙手和實力。」該書定價$128。