為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2015 年 07 月 19 日

娶蒙嘉慧兩年冇得生 伊健近億物業冇落老婆名

堪稱冇腳雀仔的鄭伊健,自從一三年臣服於蒙嘉慧(YoYo)裙下,甘願簽下一紙婚書之後,便過着男主外、女主內的甜蜜二人世界,對於生育,明言從來不作考慮,事關責任太大。不過,隨着一班「古惑仔」先後結婚生仔,連結婚八年的「大天二」謝天華,也於今年初誕下兒子,伊健與蒙嘉慧的「不育」宣言即有動搖!

據知,向來有睇中醫調理身體的蒙嘉慧,近月來常食補品養陰,搞到燥熱滿面暗瘡;並在家中布下旺丁風水陣,但求盡快成功懷孕,難怪最近伊健也轉口風說:「生B都在計劃中,順其自然。」本刊查得,伊健名下4間近億物業,全是他獨資擁有,從無加入老婆名,莫非想等生B後,才加名重賞?

早前,本刊於筲箕灣東大街一間馳名魚蛋粉店,發現鄭伊健與蒙嘉慧的蹤影,其時兩人極速歎完美食後便離開。

伊健的「古惑」兄弟錢家樂(左一)、謝天華(中)、陳小春(右二)、林曉峰(右一),個個都已做了爸爸,獨剩伊健未有下一代。

急轉口風

娛圈「大細路」鄭伊健,向來主張「不婚不育」政策,但經歷了兩段因七年之癢而告終的戀情後,一三年,鄭伊健終與同樣拍拖七年的蒙嘉慧於東京完婚。婚後,兩人不時被「催生」,但鄭伊健與蒙嘉慧也堅持享受二人世界,鄭伊健曾言:「我哋都覺得唔應該有下一代,對o依家個社會冇信心,阿妹同妹夫都唔生小朋友,阿哥又已有小朋友,所以我哋冇壓力。」

而蒙嘉慧亦夫唱婦隨說:「為人父母嘅責任重大,要先衡量過自己可唔可以應付,而呢一刻我未有足夠信心面對生兒育女嘅壓力,尤其曾經夢見有喜,喺夢裏面我竟然立即發癲到要為BB報讀學校。我唔想帶一個小朋友嚟到世上,但就畀佢過大嘅壓力,既然發夢我都會有咁大反應,的確令我有啲卻步。」

殿後付款的蒙嘉慧,顯然臉上長了數粒暗瘡。