能醫超級濕疹「芫荽水方」係咪咁勁？

濕疹難斷尾，許多家長都不希望孩子患有濕疹，而近日網上就廣傳一個家長的帖文，這名家長指bb出生後，面對嚴重濕疹的問題，她表示bb由滿月開始，就聞到bb頸項有異味、面頰開始有粒粒，以及頭頂漏水、爛面等等，她曾帶bb看過中環皮膚科名醫、中醫、自然療法、兒科等等，但始於未能令bb的濕疹有所改善，最後反而喺中環街市，得到賣菜婆婆給她的「芫荽水方」醫好bb的濕疹。

「芫荽水方」偏方廣傳網絡，引起網友們的關注，有見及此，《東周網》就請來註冊中醫師彭明慧同大家講解吓「芫荽水方」，從中醫角度睇係咪咁勁！

這名家長指bb出生後，面對嚴重濕疹的問題，她表示bb由滿月開始，bb的濕疹就非常嚴重。

家長指「芫荽水方」令其女兒的濕疹有所改善，效果比西藥、中藥更好。

註冊中醫師彭明慧表示這個「芫荽水方」有透疹作用，故不是人人都適用。

彭明慧：彭

東周網：東

東：芫荽水有咩功效?可以醫治咩嘢病?

彭：芫荽喺中醫角度係藥食同源，即是屬於中藥，又可以作食療。芫荽有消滯、消炎，以及透疹作用，透疹是指誘發體內的疾病，例如你出水痘，但未出得晒，芫荽就會令水痘全部發晒出嚟。

東：芫荽水醫濕疹有冇根據?

彭：芫荽水可以醫濕疹係唔可以一概而論，芫荽味辛，性質溫平，中醫角度其發透力太大，有人用咗可能會出現反效果，所以係慎用。

東：除咗芫荽水外，可有其它藥方？

彭：可以用杭菊5錢、金銀花5錢、蟬退2錢，用4碗水煲20分鐘，用水來抹皮膚患處，或用毛巾包住藥渣敷患處之後再塗保濕，就可以減輕皮膚濕疹問題，但注意杭菊和金銀花這兩種食材，有蠶豆症的人不可使用。或者可以使用來自清代太醫院的御方紫雲膏，成份有紫草、當歸、胡麻油、蜂蠟，這藥膏非常有效，有消炎、潤燥的功效。另外，建議濕疹的朋友戒奶、戒蛋，效果更佳。

註冊中醫師彭明慧建議建議濕疹的朋友戒奶、戒蛋，治療效果更佳。