為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2015 年 06 月 11 日

港姐又嚟料! 首輪面試鬥騎呢

《2015年香港小姐競選》又嚟喇!今日(六月十一日)就於首輪面試就於電視城舉行,一眾參選佳麗就打扮靚靚,務求以最佳姿態見評判。而今年佳麗質素平平,未見突出,不過她們大部份都着短裙晒長腿,只有幾個參選佳麗谷胸、晒事業線到場,用行動話你知,佢哋有幾咁進取!

呢位佳麗於首輪面試已經以谷胸示人,表現得非常進取,只可惜傳媒問佢姓乜名乜,佢乜都唔答,喺交際方面,應該下啲苦功。

呢位佳麗同朱茵一樣細細粒、身材豐滿,加上甜美笑容,相信入圍有望。

呢位佳麗以火艷紅色deep v裙示人,搶眼到暈!

嚟得面試,十個着九個佳麗都扮靚靚至嚟,但呢位阿姐腳踏人字拖,仲要腳甲油花晒,腳又爛埋,真係想問你:「你係咪落街買菜呀?」

呢位美少女一身古銅色肌膚,加上打網球咁嘅裝扮,一睇就知係運動能手。

呢位姐姐同哨牙珍有七成似,加埋一件連身紅色戰衣,今次首輪面試睇嚟sure win!

靚版哨牙珍離開時,昂首闊步自信十足,人靚果然頭到昂得高啲!