為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2015 年 06 月 12 日

機耕摘食

為求食得健康,近年愈來愈多人轉攻有機食品。有城中名人,更索性在家中後花園,闢地建造迷你有機農場,自家種植各式各樣的蔬果。生果樹上熟,即摘即食,保證新鮮無農藥。

去年暑假,邱李茂琪的女兒邱聖華,為了學習耕種的技巧,不怕辛苦,親自到錦田的音樂農莊取經。

邱李茂琪女兒落田實戰

溥儀眼鏡老闆娘邱李茂琪(Margaret)的十二歲細女邱聖華(Jessie),除了是家中的小廚神,更是家中有機小農莊的負責人。去年暑假,她為了學種有機菜,特別走到錦田的音樂農莊,跟真正的農夫學習種植技巧。Margaret笑言:「我哋去年想在花園種嘢,但一家人對種植全無認識,所以Jessie就話不如去跟真正的農夫學習。」Jessie每星期跟農夫學習一天,「農夫工作好辛苦,每日除咗要在污糟,滿布泥水嘅地方工作,更要面對天氣熱和多蚊。」

自從開始於家中種植後,熱愛烹飪的Jessie,不時都會以自家種的新鮮蔬菜,烹調美食給家人品嘗。

Margaret大讚女兒Jessie十分細心,每日早晚親自為植物淋水外,當遇到打風落雨,更會第一時間撐起帳篷保護植物。

Margaret坦言女兒初次在家中的花園種植時,亦曾經歷過失收。「大部分種籽都係我喺法國買返嚟,所以培植幼苗時,有啲因為香港嘅氣候,根本發唔到芽。有啲因為我貪心,叫阿女放得太多種籽在一個盆內,空間唔夠,得一半發到芽。亦有試過成功種出果子後,被雀仔啄爛晒。最記得有一次,我哋種嘅紅蘿蔔仔,種得好好地,過兩日應該可以收成。點知第二日早上,我同Jessie出去花園時,發現啲泥竟然被摷亂晒,Jessie細心一睇,發現泥中有啲腳印,佢憑着腳印的大細,鎖定隔離屋隻狗偷食。我哋睇番CCTV,真係佢,自此Jessie就在花園貼上No Dog的標誌,哈哈。」

經過一年的學習後,Jessie已成為家中小農莊的負責人,現在種植的植物包括西蘭花、南瓜、紅蘿蔔和番茄等。