為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2015 年 06 月 03 日

本土激進分子劉頴匡 偕女友拍拖遊行

個本土派團體上周六發起「2017本土要得」反政改遊行,約三百人參加,當中唔少示威者都戴口罩示人,相當神秘;亦有人高舉港英旗幟,鼓吹港獨。有說呢次遊行由高登仔在網上發起,但現場所見,揸弗人原來係中大本土學社負責人劉頴匡。

當日佢不時攞住個大聲公指揮大局,除了高呼港獨口號,又辱罵警員「正X街」。遊行隊伍由遮打花園行去立法會後,佢就跟香港本土力量數名成員密密斟,最後決定唔衝擊。遊行雖然就咁解散,但記者就見到唔少高登仔留守,研究點樣拆去立法會啲圍欄,唔排除部署政改表決當日,衝擊立法會。

劉頴匡其後亦喺立法會外巡咇,身邊忽然多咗個美女相伴,不時餵佢飲汽水,相當殷勤。記者查探之下,發現此女子係劉頴匡女友Emilia Wong,女拔畢業,是中大法律系二年級學生。

劉頴匡跟女友Emilia同屬中大生,拍拖兩年多,無論劉參加任何示威或遊行,Emilia總是形影不離。

遊行結束後,劉頴匡偕女友到銅鑼灣一間名牌拉麵店撐枱腳,之後二人共用一傘、手挽手在雨中漫步。

之後兩人手拖手轉戰銅鑼灣,在謝斐道一間名牌拉麵店豪食近百元一碗的拉麵,填飽肚後再漫步雨中,然後雙雙乘小巴返回中大善衡書院宿舍。據了解,佢哋已拍拖兩年幾,兩個月前,劉頴匡打算在中大發動退聯,女友揚言若成功,就會同佢拉埋天窗喎。

劉頴匡算是近期本土派的火紅人物,亦是示威常客。佢一○年以六優成績拔尖入讀中大中文系;一三年創辦中大本土學社,主張改革學聯,早前發動中大退聯失敗後,曾向學聯秘書長羅冠聰下戰書,辯論應一人一票選秘書長,頻頻挑戰學聯的江湖地位。去年三月,佢加入新民主同盟,出任沙田區社區主任,但因退聯一事跟召集人范國威意見不合而退黨,更被對方指摘他處事不負責任,雙方爆發罵戰。

直至兩個月前,劉頴匡跟一班中大本土學社成員自立門戶,成立沙田社區網絡,擺明跟新民主同盟打對台。本周一,他更在facebook宣布下月退出中大本土學社,為年底區議會選舉備戰。

遊行雖以「反政改」為名,但沿途劉頴匡不停高叫港獨口號,又爆粗辱罵警員,甚少談政改。