港姐陳凱琳自劇集《四個女仔三個Bar》播映以來，旋即人氣急升，工作接踵而來，早前她首次成為Twist代言人拍攝廣告，對此她興奮表示：「有fans喺商場見到呢個廣告，話影得好靚，我聽到都好開心。」

除了任代言人收入大增外，較早前她為新劇《殭》遠赴荷蘭拍攝，順道觀光旅遊，可說是寓工作於娛樂，「我喺嗰邊空閒時，就會同陳嘉寶、賴慰玲去踩單車到處遊覽。最記得有一日開外景，拍攝前我哋去咗個open market食肉醬薯條，導演見到即刻叫停我哋，話驚我哋食肥咗唔連戲，但我哋都冇理到佢，因當地食物太好味。」

談到首次擔正女一，她不忘感激身邊人的幫忙。「其實今次拍《殭》唔係太辛苦，雖然喺套劇我要扮患上失語症，又比較多感情戲，要學識喺哪些場合運用哪類型感情，對我係新人來講有一定難度，幸好有導演、監製及其他演員幫我好多。」

近日傳出與同劇對手鄭嘉穎撻着，陳凱琳強調二人仍屬「好朋友」。「因為我哋拍劇時，見面機會比較多嘛！」她不斷甜笑回應，春風都掛在臉上了。

Profile

姓名：陳凱琳

身高： 163cm

學歷：加拿大西門菲莎大學傳理系畢業

入行經過：2013年度香港小姐冠軍

曾演出電視劇：

《名門暗戰》、《四個女仔三個Bar》、《張保仔》（未播映）、《殭》（未播映）