為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2015 年 05 月 07 日

啜爆Soho 陳嘉容翻撻機師男友

名模陳嘉容(Eunis)早前被拍得與印籍前機師男友S先生孖住去ifc超市購物,雖然當時她沒有承認二人復合,但又沒有否認,只說:「唔知,好難講,隨緣啦!」然而事隔數月,不認不認還需認,上周日(五月三日)約晚上九時,Eunis身穿熱褲,大晒43吋長腿在中環Soho區現身時,就被影到與前度翻撻的鐵證。當日二人如糖黐豆般拖實對方行街,沿途window shopping,後來Eunis走入兩間小店試衫,男方不時會探頭入試身室畀意見,最後女方就揀中一條大露背的米白色連身裙,而男友亦都好識做,拎起銀包幫女友找數。

Shopping完之後腳仔攰,當然唔少得食嘢醫肚,兩人就去附近酒吧撐枱腳,準備離開之際,S先生突然停低冧望女友,Eunis都好配合即撥開秀髮送上濃情一吻冧男友,猶如熱戀中的年輕男女,難捨難離。

今年三月時Eunis已被拍和前男友行超市,不過當時就沒有承認已經復合。

不認不認還需認,Eunis上周日就被影到和前度復合,拖實行街Shopping。

S先生不時探頭入試身室偷睇,當見到Eunis着大露背裙時更睇到入晒神。

情到濃時難以自拔,Eunis向男友送上濃情一啜。

即將踏入四十歲的Eunis,仍然keep得勁fit,四十三呎長腿電死唔少人。