為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2015 年 05 月 04 日

華麗變身 馬天佑

廿七歲的星級創作總監馬天佑,是賭王女兒何超蓮和阿Sa蔡卓妍的御用形象指導,又為黎明、Angelababy、容祖兒、周杰倫等度身設計唱片、廣告和電影造型,更兩度為金像獎場刊任美術指導,人氣爆升,「每次都係新挑戰,要做得比上一次有突破,做得再好玩啲!」

他的最新搞作,是與D-mop合作開設pop up store,為期五個月,他擔任買手,「去巴黎入貨,睇咗八百個牌子,最後揀咗二十九個返嚟。我宗旨係唔同人爭牌子,邊夠大財團爭吖?我要慢慢做起佢,要華麗、繽紛、好玩、後生啲!」開幕當日,老死何超蓮都有來撐場,做埋人肉衣架將品牌服裝着上身,「超蓮好有義氣,有乜事搵佢,佢從來唔會拒絕。」

馬天佑穿上pop up store的Bless外套,做生招牌,「間舖的構思、策劃、採購,全由我公司團隊一手包辦,籌備咗一年多,我唔認同『期間限定』呢四個字,呢個只是計劃嘅開始,我哋已定下更長遠嘅目標。」

時裝買手

身為「時裝精」的馬天佑,首次做時裝買手,有人畀錢他大買特買,原來不是想像中咁爽,「同D-mop傾咗年幾,我未試過做buyer,原來好辛苦,喺巴黎有五十至一百個地方可以入貨,個個場都好似博物館咁大,每日得九個鐘時間,要去七、八個showroom,一星期睇咗近八百個牌子,睇啱要逐件影低,如果唔係真係會唔記得。」

今年再次為金像獎場刊任美術指導,馬天佑說:「上次做完之後,覺得有啲地方未做到十全十美,今次再做,確保萬無一失。」

今次開設的期間限定店,主題是Monopolist(壟斷者),他想向時裝界被主流品牌壟斷說不,故引入歐、美、英、韓和中國等二十九個新牌子。他笑言定價合理,每件都可以着出街,並非買返嚟「觀賞」,「香港太細,連行街都有壓力,好窄好迫。每個人對心中富有的定義唔一樣,其實要知足,唔好為做潮人而不停買。時裝唔係用金錢來衡量,只要設計有創意,着得開心就係好嘅時裝。」

出爐影帝劉青雲穿上馬天佑揀選的服飾,「佢一埋位好pro,一個眼神,一個笑容都充滿戲味。」