為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2015 年 04 月 01 日

回頭已是十年身 梁小冰

台上一分鐘,台下十年功。梁小冰說,《導火新聞線》裏的「皇阿媽汪海藍」,就是她花了十年時間來「預備」的角色。回首過去那十年,她主力在內地和台灣拍劇,經歷過事業上的迷惘期,跟詹瑞文前妻甄詠蓓學過戲,轉當過舞台劇演員;又誕下了兒子陳洋溢,患過了產後抑鬱;更被雜誌拍到她與有線前主持王志海街頭親熱蹺手,因而傳她跟陳嘉輝婚姻出現危機……。「因為呢十年,我發覺自己其實係個好自主、好任性、好自我、好free、好tough,同埋好黐線嘅人!哈哈哈!」是真的,這朵從前在觀眾心目中古裝劇裏的嬌滴滴小花,今天自己拖着小型行李箱到來拍攝現場,由穿哪件衣服,到化甚麼妝、梳怎樣的髮型、要不要搽指甲油,她統統都有自己的意見;訪問期間,她想到甚麼就說甚麼,語氣情緒高低激昂、七情上面,表現得相當肉緊……可見她那十年,的確沒有白過。

皇阿媽

梁小冰一直以來予觀眾最深刻的印象,都是古裝劇裏的小花角色,誰想到,相隔多年再見她在港視新劇《導火新聞線》裏出現,卻是個時刻裝腔作勢、鬧人唔使本的女強人「皇阿媽汪海藍」?

「因為想『皇阿媽』睇落有氣勢啲,所以我拍嗰陣要戴個三十八吋嘅胸圍、要着住六、七吋高跟鞋周圍走。本來開工第一日,我仲要紮埋腰封,令到條腰挺直啲,但紮咗一日我已經紮到頭痛,唔得啦,要放呀!

《導火新聞線》首集中小冰一個大露背鏡頭,成為了外界焦點,「我個仔睇到,問我點解個背脊咁污糟(疤痕),係咪冇沖涼。純真嘅人就會睇到呢啲,唔純真嘅就會睇到其他嘢。」

因為要演繹那種氣勢,小冰每次「皇阿媽」上身,也要戴上三十八吋胸圍,以及穿上六、七吋高跟鞋。

「個劇本寫得好好,仲加入咗好多我個人嘅意見落去,開拍前一個月,我已經背晒廿五集嘅對白,我由頭到尾一句都冇改過佢,一句都冇!第一日埋位,我就已經入晒戲,一輪嘴逐個逐個鬧,好似開機關槍咁「嘭嘭嘭嘭」,鬧得好爽!哈哈哈!」

除了她那些「照人肺」場面,看來耳目一新外,外界更多的焦點,都放到她那幕背部全裸、胸部乍現的震撼場口上。「我唔鍾意啲人只係draw我個大露背!」她的語氣忽然變得相當認真。「呢套劇唔係喺度賣弄緊『梁小冰個背脊係點樣』。嗰場戲係劇情需要,想畀人睇到佢背脊有好多疤痕,做一個伏線。『皇阿媽』唔係靠呢啲嚟吸引人,而係佢嘅真材實料同佢嘅氣勢!」

十年前遇上事業樽頸位,間接令她(紅圈)走上了舞台,當一名舞台劇演員,獲益良多。圖為一三年的音樂劇《彩色青春A-Go-Go》。

○七年臨盆在即,老公陳嘉輝操刀為她拍攝三點式大肚寫真,就在拍攝期間出現見紅迹象,急送入院,便誕下了兒子。