為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2015 年 03 月 31 日

搶手袋

名牌手袋一向是ball場名太的必搶恩物,近月歐元低水,上星期Chanel更罕有帶頭減價,劈價兩成,有追捧者排長龍瘋狂掃貨。

剛在歐洲遊埠返港的陳細潔(Abbie),見歐元低水兌港元見八算,在當地共掃了七個Chanel手袋,點知回港無耐,Chanel就大減價,Abbie自信地說:「歐洲退13%稅,加上歐元低水,又平多幾個%,一定平過香港。加上我買啲款,喺香港一陣間就賣晒,而歐洲嗰邊仲有好多款揀。

「o依家香港減價兩成,但就要排長龍入店,不過VIP唔使排,有時間我都想去睇下平成點。」

Abbie是Chanel的VIP客戶,今次品牌首次減價,她坦言會繼續支持,亦不怕被人覺得她用減價貨,「我相信新貨唔會減價,都想去睇吓其他款式平成點?」

陳細潔歐洲掃貨

Abbie在上月到法國滑雪,當時歐元兌港元低見8.6,她覺得好抵,乘機盡情血拼,一次過在Chanel買了七個手袋,點知回港未夠一個月,Chanel宣布大減價,問她有否覺得唔抵,她笑說:「唔會喎,我買嗰啲係新貨,相信香港啲新貨唔會減價!Chanel從來冇減價,可能依家歐羅太平,驚啲客去晒歐洲買,所以想拉番香港嘅生意。講真去歐洲買五、六個袋,可以賺番機票錢,仲有得玩埋,抵好多!」

受惠歐元低水,在當地購物有如大減價,平成點?Abbie話有數得計,「我計過在歐洲shopping,扣除退稅、匯率等於有八三折,香港的Chanel如果有九折,歐洲買平啲,如果香港做八折,梗係香港平。」

她上月到法國Courchevel滑雪,特地去Chanel掃貨,自己買了三個,又幫家姐(劉陳小寶)買了四個,花了近十八萬港元入貨,比起在香港買,可慳到約五萬元。

貴為Chanel的VIP客戶,一向有特定的店員招呼Abbie兩姊妹,平時一有新貨返,會即時通知她們,「佢今次冇call我哋,我相信冇我哋心目中嘅貨,如果有好嘢,佢哋一定會第一時間call我哋。」

今次Chanel帶頭減價,若果歐元持續下跌,應該陸續有名牌加入減價戰,Abbie笑言多多益善,「最想梗係Hermès喇!哈哈!」

Abbie和胞姊劉陳小寶都是Chanel粉絲。