為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2015 年 03 月 28 日

模敵媽媽 周汶錡

香港模特兒眾多,然而有美貌、有高度、有身材,既能拍硬照,又能在天橋上行catwalk的,卻寥寥可數,周汶錡(Kathy)可說是當中的表表者。

二十歲開始模特兒生涯的周汶錡,出過書做才女、做過主持和司儀,近年更接手母親的美容院做老闆,現年四十歲的她,今年又多了一個身份——媽媽。「我承認我已經唔年輕,我係高齡產婦,但都無得擔心,因為我已經無得返去二十歲,人生就係咁,但其實都無所謂喇,我心智二十幾歲、體態三十歲咪得囉,哈哈!」

現時懷有六個月身孕的她,訪問時依然無懼穿上三吋高跟鞋,懷孕前後一樣散發着名模風範。

周汶錡笑言第一次做媽媽的過程好得意:「o依家六個月,BB開始會踢我,身體每日都有唔同嘅變化,感覺好得意。」

老公質疑真假

我認識周汶錡,已是上世紀的事,那時我在蘭桂坊集團當公關搞派對,她已是當紅模特兒,當年她與當時的男友杜德偉前來捧場,吸引許多閃光燈和鏡頭。十多年後的今天,周汶錡依然是香港紅模,但卻多了一個媽媽身份,準備於六月份迎接小生命的來臨。

一二年與法籍老公Julien Lepeu於法國結婚,一三年在香港擺酒,一五年便生B,已懷孕六個月的她,肚皮只是微微隆起。她直言一切都在計劃之內,四十歲正式踏入人生另一階段。「開頭懷孕三、四個月時,真係無乜轉變,可能我好彩,無嘔、無唔舒服、無好攰、無唔想食嘢,完全同平時嘅我一模一樣,甚至連我平時嘅衫褲都着得落,仲可以影雜誌shooting,連助手都無察覺我有咗。」

周汶錡早前於網上宣布懷孕,身穿比堅尼泳衣,腹部微微隆起,身材依然索爆!

身形依然弗到爆,周汶錡笑言連老公Julien對她懷孕一事,都相當懷疑:「佢開頭好懷疑我係咪真係有咗BB,因為男人之間會講老婆大肚後會成日鬧情緒,又嘔得好犀利,但我統統都無,可能個B好關照我,唔畀我受苦!」

我好奇,想知Julien知道她懷孕後有無打賞,她反問:「打賞我?打我兩巴掌呀?佢有打(拍)手掌囉!哈哈!我哋係講心唔講金,佢好鍾意小朋友,我覺得佢會幫我湊BB。一路以來人人都叫我生,因為mixed出嚟會好靚,我就講笑話,唔靚係咪你哋幫我養?BB最緊要健康就得!」

一二年,周汶錡與老公Julien於法國南部、香水古城格拉斯的Chateau Diter古堡莊園舉行童話式婚禮,家人好友齊到賀。