為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2015 年 03 月 26 日

僅五十一人投票 學聯超級小圈子選舉

被各大院校退聯行動狙擊的學聯,周日選出新一任秘書長,嶺南大學羅冠聰以三十七票對十四票,撼低中文大學的司徒子朗,另外兩個副秘書長職務,就由中大的黃嘉輝和浸大的王瀚樑擔任。

身為佔領運動「學聯五子」之一的羅冠聰今次擔正學聯秘書長,不少學界直指羅於佔中前後介入太深,又多次被捕,學聯未來由佢領導,肯定會更加激進。

有知情者則表示,學聯兩個秘書長候選人加起來僅得五十一票,其實係最典型的超級小圈子選舉,唔明學聯點好意思批評至少有二十二萬選民選出的一千二百人特首提委會。

岑敖暉(左)與周永康退下學聯,由羅冠聰(右)全面接棒,不過學聯弱化,羅冠聰擔子不輕。

學聯投票板只得五十多張票可點。

該人士指,學聯周年大會投票機制係只限現屆及上屆的各學生會代表團參加,一共五十五人,換言之仲係兩重間選,要選入各院校學生會做代表,再入學聯代表投票,可以講係小圈子之最。「學聯內部其實亦知道呢個自我矛盾的『民主選舉』問題,但歷屆各院校代表入咗學聯後,都刻意唔搞秘書長一人一票普選,原因係怕『全民(學生)』選出的秘書長,代表性會高於各院校學生會代表團。」

有學聯老鬼就話,學聯秘書長呢個位八十年代中期之前,銜頭係叫「會長」,好清楚係一個「大會」之長之意,八十年代末才刻意改成秘書長,就係唔想學聯呢個「行政機關」太強勢,凌駕各院校之上,私心都幾重。

現時正發起退聯的「浸大學生會退出學聯行動組」召集人湯偉圓,有到場旁聽周年大會,據講佢喺會場暗寸學聯新代表所謂「改革政綱」連一百字都冇,浸大冇可能有任何期望。

有熟識羅冠聰的同學就爆料話,呢個新秘書長係出晒名的「機迷」,花名叫「電競聰」,「有時學聯開緊會,都開小差打機,喺宿舍更加係打到天光,真係唔知佢點樣領導學聯?」

學聯五十七屆周年大會冷冷清清,而事實上極度小圈子的運作架構,只得五十多人,投票決策全由「一枱人」話事。