為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2015 年 03 月 19 日

給自己的情書 李悅彤

經歷過去年「彭順小三」和父親自殺事件,今天的李悅彤(Liddy)還是選擇了走出來面對外界,宣傳電影《四非》。那些事情,即使已相隔了九個多月;整個訪問,即使她沒有流過一滴眼淚,但也不代表她已經完全安然無恙。「對住媽咪、妹妹、朋友,或者做嘢嗰陣,我情緒上係OK嘅,因為我唔想,亦都唔可以畀負能量人哋,所以永遠都仲係哈哈哈咁。但當我返到屋企,就會一百八十度轉變,我會困住自己喺房,熄晒燈,拉晒窗簾,唔想見到人,唔想見到光,然後會突然間係咁喊,喊完,舒服咗,畀自己繼續向前行嘞,但(情緒)又會突然跌番落谷底……。「最衰係,咁多個月以嚟,我都瞓唔到覺,明明喊完會好攰,但個腦都係不停諗好多嘢,靜唔到,勁折磨,每日差唔多要朝早六、七點先瞓得着。」畢竟,要一個體驗過巨變的人,真正原諒別人和自己,談何容易?而她,大概正在努力學習中——至少,從她回答問題時的字裏行間,並不難聽得出,她同時亦在跟自己內心對話中。

小三

去年五月廿八日,李悅彤說,是她一個刻骨銘心的日子。

那天娛樂版C1頭條,大字標題、圖文並茂報道了她和李心潔丈夫彭順的婚外情。自此之後,大家都知道了她名叫Liddy,亦即是「彭順小三」。

嗰陣我同佢一齊已經一年,一直都冇被發現,點解會突然間到五月廿八號嗰日先會被人揭發呢?我覺得好似冥冥之中,有人睇住我哋做呢件事,覺得係唔啱嘅,suppose係要stop嘅咁。

有說彭順(紅圈)前年藉監製《四非》搭上Liddy(前排右一),二人拍拖一年期間,表現得毫無避忌,更於公眾地方咀嘴。

有啲人會覺得,我同佢一齊,一定係有啲目的,人哋咁諗係好正常。但係我想講,我喺呢行,我見嘅人都唔會少,佢真係唔係我第一個所見嘅導演囉,而且如果我真係為某啲目的嘅話,咁我都唔係o依家先咁做,同埋個對象都唔係搵佢啦,哈哈哈!

至於啲人叫我(彭順小三)呢個朵係好正常,事實上我真係曾經做錯過,我都要承擔番自己嘅責任,所以我係完全OK、頂得住,只不過我係唔想外界搞到我嘅屋企人。

成件事睇落,我係輸家,我冇所謂,愛情呢樣嘢,根本冇話贏定輸。其實相對嚟講,我覺得自己已經好幸運,李小姐(李心潔)應該仲可憐啲。

去年與Liddy婚外情被揭發,彭順即浪子回頭,誰料上周末卻被《星洲網》讀者拍得他在曼谷夜店攬女尋歡。

底線

她說,那時和他拍拖的日子,就如一般情侶,行街、睇戲、食飯,毫無避忌,令她自己也捉錯用神,心存希望,結果現實卻事與願違。

其實,我同佢一齊嗰段時間……點講呢……(深呼吸)我係天蠍座,天蠍座嘅人,係唔鍾意同人share一啲嘢,係我嘅,就係我嘅。喺一段咁嘅關係裏面,而我嘅性格係咁嘅話,一定會同對方表明我嘅諗法,唔會含糊。但係對方嘅理念,又係咪同我一樣呢?可能我相信咗佢講嘅嘢——既然你都講得出,我梗係信你o架——好多因素加加埋埋,大家就係咁一路keep住咗一齊。

我覺得做女人係好慘o架!任何一個situation、任何一個position,都係可憐嘅。我哋信佛嘅,係認為上世有大罪,所以今世先做女人。

在《四》片中,Liddy背面全裸演出,「由收到劇本至埋位拍,我足足內心掙扎咗一個月!」

另一幕大膽演出,Liddy只有內褲和乳貼,「呢個已經係我最大嘅性感尺度,所以呢套戲絕對係我嘅代表作!」

和周柏豪主演新片《四非》,Liddy說,無論台前幕後,都拍得非常用心。