為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2015 年 01 月 15 日

強推公投 何俊仁劉慧卿裂痕加深

佔領過後,政圈靜英英,不過民主黨唔聲唔聲嚇你一驚,該黨超級區選代表議席的何俊仁突然宣布話要喺政改表決後辭職,引發新一場公投運動。

據了解,何俊仁呢個舉動,事前僅得幾個民主黨高層知,上周四晚有份出席民主黨中常委會議一班地區骨幹,亦係當場至知道,「仁哥係喺開會時突然加插話有特別事想向大家交代,之後講要辭職公投,大部分人好錯愕,明顯個個都被蒙在鼓裏。」

該人士還說,主持會議的主席劉慧卿一言不發,眉頭深鎖,「卿姐以往主持會議都會按程序點名叫大家發言,今次被仁哥『搶咪』,佢全程面黑黑,睇佢反應係知道公投一事,但似乎唔多buy。」

其他知情者則說,何俊仁翌日召開記者會,劉慧卿身為黨主席不單不出來撐場,連她的嫡系、剛當選副主席的羅健熙亦沒有出席,僅得單仲偕、涂謹申、黃碧雲和胡志偉等人出來站台,顯見今次倉皇決定,在內部引起頗大分歧。

何俊仁過去大半年一直迴避社民連建議辭職公投,但現時卻獨自跳出來玩公投,連黨主席劉慧卿亦不太贊成,令民主黨高層歧見再度加深。

其實,辭職公投這建議早喺佔領運動前,已由社民連梁國雄拋出,當時社民連逼何俊仁辭職公投,劉慧卿第一個反對,而何俊仁及其他高層亦不理睬有關建議,「當時卿姐已講明:『立場式公投意義不大,我哋為乜要畀長毛點?』黨內另有聲音話就算真的辭職,亦要五區一齊辭,個個黨都要交人,何俊仁本來好反對自己一人承擔辭職責任,但相隔半年竟然跳出來,令大家跌晒眼鏡。」

民主黨內部矇查查,泛民政團更被蒙在鼓裏,尤其最大盟友公民黨,有知情者指該黨亦是上周五早上,即何俊仁向外公布有記者會前幾小時,向民主黨查詢才確定有這回事,對民主黨突如而來決定甚感不滿,認為係「先斬後奏」,逼公民黨上車,「公民黨擔心輿論聲音逼公民黨交人,玩埋一份,湯家驊實唔會參與,毛孟靜已經係半個新民主同盟人,郭榮鏗係功能組別冇得辭,郭家麒為保自己議席,更加唔會辭,最終僅得陳家洛同梁家傑是旦一個要認頭,但佢兩人都唔係好buy,因為補選前,正值區選關鍵布陣時刻,公民黨稍有差池,隨時喺地區冇位企,仲得閒同你搞公投?」

何俊仁上周五舉行記者會公布會在政改表決後辭職公投,但泛民圈反應冷淡,而黨內更僅得單仲偕、黃碧雲等幾名同僚撐場。

民主黨劉慧卿對辭職公投有保留,公民黨梁家傑亦另有盤算,該黨首要工作是部署年底區選,若要助民主黨補選,隨時消耗大半時間精力。