為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2015 年 01 月 16 日

彭懷安偷嗒韓嬸報復

男子組合EO2成員彭懷安(Eddie),雖然有個港姐女友朱慧敏,並且已經係公開嘅事實,但係多年來都冇減佢嘅夜蒲興致,繼大前年先後被人影到拖長腿妹玩到癲,以及同仙樂都大跳貼身舞後,東姑最近喺高登網見到一批Eddie夜蒲攬女相。今次Eddie轉咗口味,偷嗒韓國嬸嬸,東姑橫睇掂睇,呢位嬸嬸點都唔會索過朱慧敏。不過,睇Eddie個款就好鬼冧,佢兩個不時咬耳仔,Eddie仲從後抱抱,搞到韓嬸好鬼high,撐大個口尖叫。男友玩成咁,難得朱慧敏仲幫佢解畫:「我對佢百分百有信心,啲相係朋友傾偈相,好明顯係介紹緊『客棧』菜式畀嗰位韓國小姐,推動香港旅遊業。」朱慧敏解釋得好牽強啫,之不過Eddie溝韓嬸呢單嘢,會唔會係報復呢?皆因朱慧敏之前,就畀本刊獨家影到佢同一位中年猛料律師,晚飯、睇騷直落酒店談心,好鬼happy囉!今次朱慧敏咪惟有趣趣哋原諒男友嘞。

韓國嬸嬸畀Eddie逗得好爽,興奮到成個彈起兼尖叫。

Eddie同朱慧敏拍拖三年,早前更合力喺西環開咗間「華星客棧」嘅菜館。

Eddie從後抱住韓國嬸嬸咬耳仔,唔講仲以為佢哋先至係拖友。

朱慧敏早排畀本刊影到佢同中年猛料律師撐枱腳兼酒店談心,好happy!