為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 網上Fun片 2009 年 10 月 27 日

陳年舊劇《創世紀》 陳錦鴻鬧樓市高企

TVB台慶劇《宮心計》收視創新高,但近日網上熱播的卻是9年前的舊作《創世紀》。原因是當中一段陳錦鴻講的對白,剛好和現在樓價高企、小市民叫苦連天的景況如出一轍!

片段是來自《創世紀》第48集中的一段,講述陳錦鴻飾演的許文彪,跟羅嘉良飾演的葉榮添鬧交,其間許文彪為自己的惡行辯解時,卻將責任推到社會,並說:「你出去問下人,是旦問一個人,問下佢哋需要啲乜嘢?佢哋嘅答案好簡單,只係想要一間好普通好普通嘅樓,點解佢哋要用成世人嘅時間去供一層樓呀?」一語道盡升斗市民的心聲!

片段10月21日上載至YouTube,旁述為「十年前同十年後都係一樣」,短短2日點擊率已超過3萬,有網民大贊:「陳錦雄講心聲!」、「完全反映香港現時的情況,富者越富,貧者越貧。」、「歷史係會不停重演!」

不過,YouTube的廣東話版本片段已被刪除,暫時只有普通話版在網上繼續流傳,故《東周網》特別將許文彪的精彩廣東話對白節錄。

《創世紀》許文彪鬧樓市高企片段

http://hd.tudou.com/program/2797/

許文彪對白節錄:

「我唔係無試過,我試過安分守己,日搏夜搏,賺佢嗰一萬幾千!

我試過…但係出面嗰班人,出面嗰班人呀!佢哋識建築識起樓咩?

佢哋只係攞少少錢出嚟、攞少少時間,炒起咗個樓市就不停喺度賺大錢,呢啲叫公平咩?

你出去問下人,是旦問一個人,問下佢哋需要啲乜嘢?佢哋嘅答案好簡單,只係想要一間好普通好普通嘅樓,點解佢哋要用成世人嘅時間去供一層樓呀?

因為啲有錢佬喺度玩嘢呀!愈有錢就愈有得玩,呢個世界叫公平咩?呢個世界叫公平咩?」