為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2014 年 12 月 23 日

那些年 超合金 林柏希

聖誕節前,撞正玩具博覽開騷,絕版、限定版商品接連出籠,又係玩具迷四出尋寶的黃金檔期。

新城DJ林柏希(William)出名是個玩具癡,十年間花費數十萬元,買入近二百件超合金玩具,由八十年代初的「黃金戰士」、「六神合體」、「十五機合體機甲艦隊」,到後期的「聖鬥士星矢」都絕不錯過,件件如古董般珍藏,家中猶如一個小型玩具博物館。

「男人買玩具等同女人買鞋,對對高跟鞋一樣款式都要買幾十對返嚟。我買咁多超合金,啲人覺得咪又係機械人一個,但我覺得超值喎,每款仲要買唔同版本,最好一件用嚟收藏,一件用嚟投資,咁先玩得過癮!」

尋找童年回憶

七十後的林柏希自小是個電視迷,日日「電視撈飯」的他,不會錯過任何一套卡通片,「細細個無乜娛樂,放學唯一目標,就係趕返屋企準時四時半坐喺梳化前面睇卡通片,第二日返到學校,馬上同同學講番套卡通片最精采嘅畫面,有時仲會幾個同學一齊扮機械人合體,不知幾開心。」

他笑言,那時沒有經濟能力,故長大後賺到錢便開始逐一搜購以前睇過的卡通片玩具。「細個只有成績好或節日生日時,爸爸媽媽先會考慮買玩具畀我,所以玩具對我嚟講係開心幸福嘅代表,但好多玩具搬屋時畀屋企人掉晒,大學時期開始買番啲舊玩具,搵番兒時嘅開心回憶。」

一二年,關心妍老公楊長智送了宇宙戰士給林柏希作生日禮物:「佢好有心思,見我屋企無呢隻超合金,特地買畀我,成六千蚊o架。」

兩年前,林柏希的朋友以五千元超抵價割讓了V型電磁俠給他:「V型電磁俠真係好貴,我有埋原裝包裝同可發射的子彈,o依家賣出去超過一萬元。」