為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2014 年 12 月 09 日

關慧玲

《東周刊》社長兼總編輯。

新地第三代跑出頭

新鴻基第三年喺環球貿易廣場(ICC)搞嘅公益垂直跑相當有睇頭,新地大股東郭炳江嘅公子郭基煇(Adam)第一次正式落場參賽,仲跑到唔錯嘅成績。

一臉陽光嘅Adam係運動型,穿着黑色背心的他手瓜起(月展)(下圖右二)。原來佢和父親郭炳江都有跑步的習慣,一星期至少跑三次,有時仲會同父親鬥快,兩仔爺跑步經講不停口。

比賽當日早上,只見郭炳江不停揮手,猛叫Adam企前啲,兩人邊講邊笑邊鬆筋,Adam仲笑話同父親鬥快,起步一支箭走咗去,以二十二分鐘跑到終點,而郭炳江就以二十九分三十六秒完成。佢去年成績是三十一分鐘,今年有進步。至於郭炳聯,就因為事忙,只主持開步禮及跟同事影相打氣就要趕回去工作。

到咗終點,Adam笑笑口同阿爸、員工等搭晒膊頭合照,一點架子也沒有。

公益垂直跑係「垂直馬拉松世界巡迴賽」嘅終極挑戰站,由ICC八樓跑上天際100、即一百樓嘅香港觀景台,跑足二千一百二十級樓梯,唔係嘢少。 知情者話,郭炳江兩仔爺之前熱身試跑,Adam試過十九分鐘就完成,而郭炳江都只用咗二十六分鐘。

今次賽事共有千二人報名參加,Adam業餘參賽,成績算唔錯。三十一歲嘅Adam,○八年已加入新地,一二年更成為阿爸喺公司嘅替代董事,一直相當低調,甚少喺鏡頭前曝光,有新地中人曾話,佢係實幹型,平日業績會、股東會有時都會露面,不過記者認佢唔到。最近一次高調曝光,就係九月份由全國政協副主席董建華牽頭嘅香港工商專業界訪京團,新地郭家由Adam做代表。

據了解,佢o依家仍然跟隨郭炳江喺公司學嘢,以佢哈佛工商管理碩士資歷,又做過投行,

喺新地應該好多發揮。

郭氏第三代除了Adam,仲有郭炳聯兒子郭顥澧,佢和Adam兩個分別為郭炳江及郭炳聯的替代董事。根據年報,Adam係項目經理,負責香港及珠江三角洲區域住宅及商業項目,而三十二歲嘅郭顥澧,則係銷售及項目經理,負責公司喺香港嘅新住宅項目可行性研究、市場推廣及策劃。

但凡大企業家族,都會諗接班問題,新地第三代逐漸出場,不過,睇番兩位聯席主席仲咁打得,睇怕未需要煩呢個問題住。