林雪食唔停口
蕭定一的新戲《壹獄壹世界：高登闊少踎監日記》，除有裸跑鏡頭外，還加入大量性愛場面，未上映已話題十足，日前在西貢舉行開鏡拜神儀式，有料的Coffee和崔碧珈就騷胸半露，至於林雪不但大晒豬腩肉，還即場勁食，搶鏡度比兩女有過之而無不及。
拜神期間，林雪已望住隻燒豬流晒口水，直至儀式一完，他即時站在隔籬等食。東姑見他左右手開攻，一嚿接一嚿密密食，連影大合照都燒肉不離手，果然好食到停唔到口。
眾女演員都大方晒身材，林雪都不執輸，扯低件囚衣露「肥肉」搶鏡。
一嚿不夠，林雪一次過拿夠兩嚿，左一啖右一啖，相當滋味。
即使美女當前，林雪都要食住燒肉吹水。
