為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2014 年 12 月 02 日

浚擊聲際 陳浚霆

有追看無綫節目《超級巨聲4》,一定認識顧紀筠兒子陳浚霆(Andrew)。現年二十五歲、在傳藝公關廣告公司(IPS)任職公關的他,早前膽粗粗參賽,並成功入圍,在螢幕前獻唱。

由於繼母是顧紀筠,他難免被指是靠拉關係而入圍,面對謠言,陳浚霆一臉輕鬆地說:「如果我真係靠關係,就唔需要第一次interview嗰陣,大熱天時三十幾度喺TVB門口排隊;第二次interview撞正落大雨,濕晒身入場,入到廠仲要凍到癲,震晒咁等唱歌。顧紀筠係我媽咪,我唔會否認,亦唔會刻意去掩飾,但可以踏上巨聲舞台,我相信我係有實力。」

思維清晰,加上回應時從容不迫,於樂壇的進擊路上,他期望能憑努力,可以一步一步令星途有聲有色!

陳浚霆每星期至少練歌五日、每日唱超過兩小時,「我比賽之前唔會食甜嘢同豉油,仲會買花旗參、龍眼肉、杞子等食材去沖熱水飲,保養聲線。」

當父母紅娘

陳浚霆在《巨聲》首輪比賽當日,被主持人森美當面問了一句:「顧紀筠係你邊個?」陳浚霆臉上除了一面驚訝,心中還有一絲無奈:「有日我(公關公司)老闆同我講,話我上咗雅虎搜尋網第一位,我上網一睇,寫住『顧紀筠兒子』……。我覺得作為『星二代』,好難去脫離呢啲稱號,試問有幾多個好似謝霆鋒咁厲害,唔係講佢係謝賢個仔,而係講佢全名吖!」

做公關、見慣大場面的他,閒時會與顧老闆一同出席公開活動:「當初係顧老闆建議我去IPS做公關,佢覺得我成世人太受保護,要睇吓出面嘅世界係點。」

陳浚霆的音樂老師是Krystal Diaz,曾教過薛凱琪和吳雨霏等歌手唱歌,當日兩人齊齊到位於北角的音樂室練歌,老師大讚他天份十足。

陳浚霆(前排中)坦言有信心在比賽中獲得好成績:「我認為我以往嘅唱歌表演值七十幾分,但我相信會愈來愈好。」