為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2014 年 11 月 25 日

關慧玲

《東周刊》社長兼總編輯。

劉業成痛心黑警指控

佔領行動發生以來,警民關係劍拔弩張,警隊更承受巨大壓力。筆者碰到行動處處長劉業成,同佢傾起原來佢忙到兩個月來只返過屋企四次,除了留守大本營指揮大局,仲落區替同袍打氣,其中一次畀電視台記者見到,外界就演繹佢係為清場前做準備,其實佢落過去好多次,主要為探吓喺出面捱更抵夜嘅同事。周日有同袍懷疑因過勞誘發隱性心臟病突然暈倒送院,佢又匆匆和警務處人事及訓練處處長周國良去醫院探望及慰問家屬。

劉Sir話入警隊咁多年,之前也處理過韓農衝擊世貿會議事件,今次佔領行動挑戰真係前所未見,一來時間咁長,二來佔領區不只一個。

佢好感慨話辛苦無所謂,個心最唔舒服係有人故意挑起警民對立面,甚至話警察係「黑警」,想起當初為了除暴安良加入警隊,點諗到會有咁嘅一日。

呢兩個月對筆者另一位快將退休嘅老差骨朋友也十分難捱,除了長時間工作,朋友碰面總係問起點解警察要咁做?點解警察又唔咁做?個個睇住電視直播,都當咗自己係行動指揮咁指手劃腳,甚至有喺佔領現場嘅人代警執法,叫佢哋拉呢個鎖嗰個。

老差骨朋友話,好多人唔明警方喺「九二八」當日點解封咗條夏愨道,話如果保持有車輛行駛,湧往支援學生嘅人群就唔會聚集馬路,佢話按佢嘅理解,其實當時警察叫緊湧入政總嘅學生自行離開,無理由繼續畀人入去,但同時四方八面人群不斷聚過來,那時已有人伺機湧出馬路,所以無論如何,佔領已經成勢;再者,佢舉龍和道為例,雖然車來車往,但示威者一樣罔顧自己及他人安全衝出馬路,警察也沒辦法。

另一個多人談論的部署,就係同日發放催淚彈至半夜,老差骨話,警隊一直只係諗住驅散,沒有拘捕的打算,只要佔領者離開政總範圍,不再衝擊就得,所以話香港警察喺行動上十分克制,就係咁解。

連月來好多似是而非資訊,看得人眼花花,好多人放大了七個警員涉嫌打人事件,老差骨話錯就要認,打人點講都唔啱,但就不應一竹篙打一船人,警隊士氣被打沉,受損害的最終會是誰?