罷課期間夥女友睇騷　黃之鋒被鬧爆

學民思潮黃之鋒同學聯明爭暗鬥，搞出好多內部糾紛，引起唔少批評。據了解搶位都係黃之鋒一個人的主意。

例如今次學聯搞公投，學民又想去搶，早喺十月二十八日突然內部急call開會，想截學聯食頭啖湯，宣布要求泛民總辭，但當日只得三個學民仔到場，會議最終流會。不過黃之鋒夠膽死一個人揸住咪上台唱獨腳戲，但所有意見，學民內部根本未開會傾過。

黃之鋒喺佔中前夕發起罷課，好多學生跟佢上街，但佢有一晚竟然同女朋友走咗去睇周柏豪演唱會，仲放埋張合照相（左圖）上facebook炫耀，自然被盟友群起而攻之，連比較老友的學民仔劉貳龍都有微言，勸佢大局當前，就唔好放呢啲相上facebook啦。

黃之鋒（右）在佔領行動中，一直以「咪霸」姿態上台，學聯雙子早已對他頗多怨言。